සංචාරක ඔස්ට්‍රේලියානු ක්‍රිකට් කණ්ඩායම සහ ශ්‍රී ලංකා ක්‍රිකට් කණ්ඩායම අතර පැවැත්වෙන
එක්දින සහ ටෙස්ට් තරග කාලසටහන ශ්‍රී ලංකා ක්‍රිකට් ආයතනය මගින් නිවේදනය කර ඇත.
තරග දෙකකින් සමන්විත ටෙස්ට් තරගාවලියේ මුල් තරගය මෙම මස 29 වැනිදා සිට පෙබරවාරි 02 දා දක්වා එම තරගය පැවැත්වේ.
දෙවැනි තරගය පෙබරවාරි 06 වැනිදා සිට 10 වැනිදා දක්වා පැවැත්වේ.
මෙම තරග දෙකම පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදීය.
මේ අතර ඔස්ට්‍රේලියානු ක්‍රිකට් ආයතනය ඉල්ලා සිටියේ අමතර එක්දින තරගයක් ලබාදෙන ලෙසය. ඒ අනුව ශ්‍රී ලංකා ක්‍රිකට් ආයතනය ඒ සඳහා අමතර තරගයක් ද ලබාදී තිබේ.
ඒ අනුව එක්දින ජාත්‍යන්තර තරග 2ක් පවත්වන අතර පළමු තරගය පෙබරවාරි 12 වැනිදා සහ දෙවැනි එක්දින තරගය පෙබරවාරි 14 වැනිදා පැවැත්වේ.
මෙම තරග දෙකම දිවා – රාත්‍රි තරග වන අතර, එම තරග දෙකම කොළඹ ආර්. ප්‍රේමදාස ජාත්‍යන්තර ක්‍රීඩාංගණයේදී පැවැත්වේ.
