- දලයි ලාමාගේ දීර්ඝායුෂ යාඥාවන් සඳහා දහස් ගණනක් ධර්මශාලාවේ රැස්වෙති.
- අනුගාමිකයන් ප්‍රීති ඝෝෂා නඟද්දී දලයි ලාමා අවම වශයෙන් තවත් අවුරුදු 30-40ක් ජීවත් වීමට බලාපොරොත්තු වන බව කියයි..
- දලයි ලාමා දිනපතා සියලු සංවේදී ජීවීන් වෙනුවෙන් යාඥා කරයි,
අනුග්‍රාහක දෙවියා වන අවලෝකිතේශ්වරගේ ආශිර්වාදය දැනෙන බව පවසයි..
අධ්‍යාත්මික නායක දලයි ලාමා තුමන් සෙනසුරාදා පැවසුවේ තමා වයස අවුරුදු 130කට වඩා වැඩි වන තුරු ජීවත් වීමට බලාපොරොත්තු වන බවත්, එය ඔහුගේ පෙර අනාවැකියට වඩා දශක දෙකක් දිගු බවත්ය.
ඒ ඔහුගේ මරණයෙන් පසු ඇදහිල්ලේ අධ්‍යාත්මික ප්‍රධානියා ලෙස නැවත ඉපදෙන බවට අනුගාමිකයන්ට ඔහු දුන් සහතිකයෙන් පසුවය.
නොබෙල් සාම ත්‍යාගලාභී සලයි ලාමා තුමන් ඔහුගේ 90 වන උපන්දිනයට පෙර ඔහුගේ දීර්ඝායුෂ සඳහා යාඥා කිරීම සඳහා ඔහුගේ අනුගාමිකයන් විසින් සංවිධානය කරන ලද උත්සවයක් ඇමතූ අතර අධ්‍යාත්මික නායක දලයි ලාමාට විරෝධය පාන චීනය ඔවුන් විසින් ඔහුගේ අනුප්‍රාප්තිකයා තෝරා ගන්නා බව අවධාරනය කරයි.
දලයි ලාමා තුමන් දෙසැම්බර් මාසයේදී රොයිටර් පුවත් සේවයට පැවසුවේ ඔහු අවුරුදු 110ක් ජීවත් විය හැකි බවයි.
"මට මේ දක්වා බෞද්ධාගමට (බුද්ධාගමේ ඉගැන්වීම්) සහ ටිබෙටයේ ජනතාවට හොඳින් සේවය කිරීමට හැකි වී තිබෙනවා," ඔහු යාඥාවන් අතරේ උගුර පැහැදිලි කරමින් පැවසීය.
"මම තවත් අවුරුදු 130 කට වඩා ජීවත් වීමට බලාපොරොත්තු වෙනවා,"
ඔහු පැවසුවේ ඔහුගේ අනුගාමිකයන් අතර අත්පොළසන් හා ප්‍රීති ඝෝෂා ඇති කරමිනි.
දැනටමත් දීර්ඝතම ආයු කාලයක් ජීවත් වූ ටිබෙට් බුද්ධාගමේ ප්‍රධානියා වන 14 වන දලයි ලාමා, ඔහුගේ දේවමාළිගාවේ යාච්ඤා සඳහා මිනිත්තු 90 ක් පමණ ගත කළේය.
චීන පාලනයට එරෙහි අසාර්ථක නැගිටීමකින් පසු 1959 දී ටිබෙටයෙන් පලා ගිය දා සිට ඔහු ජීවත් වූ උතුරු ඉන්දියානු කඳුකර නගරයක් වන ධර්මශාලා හි රැස්ව සිටි ලොව පුරා සිටින දහස් ගණනක් අනුගාමිකයන් මෙම උත්සවයට සහභාගී වූහ.
"අපට අපේ රට අහිමි වී ඇති අතර අපි ඉන්දියාවේ පිටුවහල්ව ජීවත් වෙමු, නමුත් මට ජීවීන්ට බොහෝ සෙයින් ප්‍රතිලාභ ලබා දීමට හැකි වී තිබේ. එබැවින්, මෙහි ධර්මශාලාවේ ජීවත් වන මම, මට හැකි තරම් ජීවීන්ට සහ ධර්මයට සේවය කිරීමට අදහස් කරමි,"
ඔහු ටිබෙට් භාෂාවෙන් පැවසූ අතර එය ඉංග්‍රීසි සහ වෙනත් භාෂාවලට එකවර පරිවර්තනය වූහ.
ටිබෙටය කෙරෙහි තම පාලනය තහවුරු කර ගැනීමට උනන්දු වන චීනය, දලයි ලාමා බෙදුම්වාදියෙකු ලෙස සලකයි. බීජිං හි දේශපාලනය අවධාරනය කරන්නේ එහි නායකයින් අධිරාජ්‍ය යුගයේ උරුමයක් ලෙස ඔහුගේ අනුප්‍රාප්තිකයා අනුමත කළ යුතු බවයි.
"බොහෝ අනාවැකි දෙස බලන විට, මට අවලෝකිතේශ්වරගේ ආශිර්වාදය ලැබී ඇති බව මට හැඟේ,"
"මම මේ දක්වා මගේ උපරිමය කර ඇත්තෙමි. අවම වශයෙන්, මම තව අවුරුදු 30ක් හෝ 40ක් ජීවත් වීමට බලාපොරොත්තු වෙමි."
