ඉන්දියාව සහ චීනය අතර පවතින භූ දේශපාලන බල අරගලයේ දී ශ්‍රී ලංකාව යුද පිටියක් බවට පත්විය හැකි බව පිළිගත් ජනාධිපති රනිල් වික්‍රමසිංහ
ශ්‍රී ලංකාව සිය දකුණු ආසියානු අසල්වැසියාගේ ආරක්ෂාව අනතුරේ හෙළන්නේ නැතැයි සහතික විය.
“ලංකාවේ දේශපාලනයේ එහෙම වෙන්න පුළුවන්. 1988 දී ඉන්දීය හමුදා ප්‍රධාන ප්‍රශ්නයක් උනා,”
ජනාධිපති වික්‍රමසිංහ මේ අදහස් දැක්වීම සිදුකර ඇත්තේ ඉන්දීය ෆස්ට්පෝස්ට් වෙබ් අඩවියේ යූ ටියුබ් නාලිකාව සමඟ පැවති විශේෂ සම්මුඛ සාකච්ඡාවකදී ය.
මෙම සාකච්ඡාවේදී ජනාධිපති වික්‍රමසිංහ විසින් අදහස් දක්වමින් පසුගිය කාලය තුළ චීන ‘ඔත්තු නැව්’ ශ්‍රී ලංකාවේ වරායන් වෙත පැමිණීමේ ප්‍රශ්නය ඉන්දියාවේ ආරක්ෂාව පිළිබඳ ගැටළු මතු කර තිබෙන බවත් කෙසේ වෙතත්, එය ද්විපාර්ශ්වික සබඳතාවලට කිසිදු අහිතකර බලපෑමක් ඇති නොකරන බවත් ප්‍රකාශ කර ඇත.
“ඉන්දියාව එහි ආරක්ෂාව ගැන කනස්සල්ලට පත්ව සිටිනවා. ඉන්දියාවේ ආරක්ෂාවට හානියක් වෙන කිසිම දෙයක් කරන්නේ නැහැ. අපි නවදිල්ලියට කියලා තියෙනවා අපි පර්යේෂණ නැව් ගැන පරීක්ෂා කරනවා කියලා. ශ්‍රී ලංකාව ස්වාධීන රටක්, අපේ මිත්‍රත්වය මේ ප්‍රශ්න මත රඳා පැවතිය යුත්තේ ඇයි?” ඔහු පැවසීය. පසුගිය වසරේ ආර්ථික අර්බුදයේදී තම රටට උපකාර කිරීම සම්බන්ධයෙන් ඉන්දියාවට ප්‍රශංසා කළ වික්‍රමසිංහ ජනාධිපතිවරයා, ද්විපාර්ශ්වික සබඳතා සඳහා විශාල එමගින් තල්ලුවක් ලබා ගැනීමට නියමිත බව ප්‍රකාශ කළේය.
කොළඹ දකුණු වරායේ ප්‍රධාන ව්‍යාපෘතියක් ඇතුළුව ඉන්දියාව විසින් ශ්‍රී ලංකාවේ විශාල ආයෝජනයක් කිරීමට සූදානම් බව ද ඔහු හෙළි කළේය. ශ්‍රී ලංකා ජනාධිපතිවරයාට අනුව, අග්‍රාමාත්‍ය නරේන්ද්‍ර මෝදි සමඟ ඔහුගේ හමුවීම ජාතීන් දෙක අතර සබඳතාවයට විශාල තල්ලුවක් ලබා දුන් බව කියයි.
“මෙතනදි අපගේ දැක්ම ප්‍රකාශය ඉදිරි පියවරක් උනා, මෝදි සමඟ වෙළඳාම සහ ආයෝජන ගැන කතා කරන්නට. ඉන්දියාව කොළඹ දකුණු වරායේ ආයෝජනය කරනවා,” ජනාධිපති රනිල් පැවසීය.
මාලදිවයිනේ නව ජනාධිපති මොහොමඩ් මුයිසු - තම රටේ සිටින හමුදාවන් ඉවත් කරගන්නා ලෙස ඉන්දීය රජයෙන් ඉල්ලා සිටීමත් සමඟ ඉන්දියාව මෑතකදී එහි ආසන්න ප්‍රදේශයේ පසුබෑමකට ලක් විය.
එහෙත් මේ ප්‍රශ්නය ගැන ඕනෑවට වඩා කලබල වීමට වඩා මාලදිවයිනේ වත්මන් පාලනය සමඟ සබඳතා ගොඩනගා ගැනීම කෙරෙහි ඉන්දියාව අවධානය යොමු කළ යුතු බව ජනාධිපති වික්‍රමසිංහගේ අදහස විය.
“ඉන්දීය හමුදා ඉවත්කිරීම ප්‍රතිපත්ති ප්‍රකාශනයේ කොටසක්. ඉන්දියාව ඒ ගැන ඕනෑවට වඩා කලබල විය යුතු නැහැ. මාලදිවයින සමඟ සබඳතා ශක්තිමත් කිරීම කෙරෙහි වැඩි අවධානයක් යොමු කරන්න. මාලදිවයිනට ඉන්දියාවේ උදව් අවශ්‍යයි,” ඔහු ප්‍රකාශ කළේය.
කෙසේ වෙතත්, ශ්‍රී ලාංකික දෙමළ ජනතාවගේ ප්‍රශ්නය සම්බන්ධයෙන් එක්සත් ජාතීන්ගේ සංවිධානයේදී තම රට විවේචනය කිරීම සම්බන්ධයෙන් වික්‍රමසිංහ ජනාධිපතිවරයා එහිදී ඉන්දීය රජයට දැඩි ලෙස දෝෂාරෝපණය කළේය.
“ඉන්දීය අදහස්වලට මම එකඟ නැහැ. ඉන්දියාව අපේ වාර්තාව විවේචනය කිරීම ගැන මම පුදුම වුණා,” ඔහු පැවසීය.
ඉන්දියාවේ 2024 ලෝක් සභා මැතිවරණය ගැන කතා කරමින්, නවදිල්ලියේ දේශපාලන වර්ධනයන් ශ්‍රී ලංකාවට ප්‍රධාන වශයෙන් බලපානු ඇති බව පිළිගන්නා අතරම, පාලක භාරතීය ජනතා පක්ෂය පෙරමුණ ගෙන සිටින බව වික්‍රමසිංහ ජනාධිපතිවරයා පිළිගනී.
“අපි බලමු ප්‍රාන්ත මැතිවරණ කියන්නේ මොකක්ද කියලා. BJPය වාසි ඇති, තනි නායකයෙකු විසින් නායකත්වය දෙන තනි පක්ෂයක්. ශ්‍රී ලංකාව නවදිල්ලියේ සිදුවන දේ සමඟ ජීවත් විය යුතුයි".
සම්පූරණ සාකච්ඡාව පහතින්...
@ Dailymirror
