ශ්රී ලංකා නිදහස් පක්ෂයේ 75 වන සංවත්සරය නීතිවිරෝධී බවත්, පක්ෂයේ නාමය භාවිත කිරීම
වළක්වන ලෙසත් ඉල්ලා මැතිවරණ කොමිසමට ලිපියක් යොමු කර ඇති බව පාර්ලිමේන්තු මන්ත්රී නීතිඥ දයාසිරි ජයසේකර පවසයි. එසේම, වත්මන් ආණ්ඩුව ගෙන ඒමට සූදානම් වන 22 වන ආණ්ඩුක්රම ව්යවස්ථා සංශෝධනය හරහා මෙරට අධිකරණයේ ස්වාධීනත්වය මුළුමනින්ම විනාශ කිරීමට උත්සාහ කරමින් සිටින බවට ද ඔහු දැඩි චෝදනාවක් එල්ල කරයි.
අක්රීය පක්ෂයකින් නීතිවිරෝධී සංවත්සරයක්
පාර්ලිමේන්තු මන්ත්රී දයාසිරි ජයසේකර විසින් 2026 අගෝස්තු 31 දින මැතිවරණ කොමිෂන් සභාවේ සභාපතිවරයා වෙත යොමු කළ ලිපියකට අනුව, සැප්තැම්බර් 02 වන දින මොනාක් ඉම්පීරියල් හෝටලයේ පැවැත්වීමට සංවිධානය කර තිබූ සංවත්සරය මුළුමනින්ම නීතිවිරෝධී වේ. මෛත්රීපාල සිරිසේන විසින් තමන්ව ලේකම් ධූරයෙන් ඉවත් කිරීමට එරෙහිව පවරණ ලද නඩුවෙන් (DSP 387/2023) තමන්ව ඉවත් කිරීම නීත්යානුකූල නොවන බවට කොළඹ දිසා අධිකරණයෙන් අතුරු තහනම් නියෝගයක් ලබා දී ඇත.
එසේම, නිමල් සිරිපාල ද සිල්වා සහ දුමින්ද දිසානායක යන අයගේ පත්වීම්වලට එරෙහිව පවරණ ලද නඩුවෙන්ද (DSP 407/24) ඔවුන්ගේ පත්වීම් නීත්යානුකූල නොවන බවටත් ඔවුන් ගන්නා තීරණ බලශුන්ය බවටත් තීන්දු කරමින් අතුරු තහනම් නියෝගයක් නිකුත් කර ඇති බව මන්ත්රීවරයා පෙන්වා දෙයි. මෙම නඩු කටයුතු අවසන් වන තුරු මැතිවරණ කොමිසම විසින් ශ්රීලනිපය 'අක්රීය පක්ෂයක්' ලෙස නම් කර ඇති අතර, කොමිසමේ වෙබ් අඩවියේ පවා පක්ෂයේ ලේකම්වරයා ලෙස තවමත් සටහන් වන්නේ තමන්ගේ නම බව ඔහු අවධාරණය කරයි. එබැවින් දුමින්ද දිසානායක ලේකම්වරයා ලෙස පෙනී සිටිමින් වෙනත් පක්ෂ නායකයින්ට ලිපි යැවීම පාක්ෂිකයන් මෙන්ම රටේ ජනතාවද රැවටීමක් බව එම ලිපියේ දැක්වේ.
සංවත්සර උළෙලේදී අමාත්ය නිමල් සිරිපාල ද සිල්වා විසින් ශ්රීලනිපයෙන් ජනාධිපති අපේක්ෂකයෙකු ඉදිරිපත් නොකරන බවට කළ ප්රකාශය දයාසිරි ජයසේකර මන්ත්රීවරයාගේ දැඩි විවේචනයට ලක්විය. එය පක්ෂය පාවාදීමක් බවත්, ඔවුන්ගේ එකම අරමුණ වෙනත් අපේක්ෂකයෙකුට සහාය දී තමන්ගේ පාර්ලිමේන්තු ගමන සකසා ගැනීම පමණක් බවත් ඔහු වැඩිදුරටත් කියා සිටියේය.
Right to Reply
As a responsible media organization, we strictly uphold the "Right to Reply". If you or your organization are mentioned in any of our articles and wish to express an objection, share a different perspective, or provide a factual clarification, you have the right to do so. We are committed to fair and balanced journalism.
Please submit your responses or clarifications to:
[This email address is being protected from spambots. You need JavaScript enabled to view it. / whatsapp 0774945996]
Editor's mail - This email address is being protected from spambots. You need JavaScript enabled to view it.
