බස්නාහිර පළාතේ ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් විසින් තමා පිළිබඳව පළව ඇති මාධ්‍ය වාර්තා වැරදි බව දන්වා ලිපියක් යොමුකර ඇත.
ඒ ශ්‍රී ලංකා ක්‍රිකට් ආයතනයේ උපදේශකවරයෙක් වශයෙන් 2021 වසරේදී තමාට ලිපියක් ලද නමුත් එම තනතුර තමා විසින් බාර නොගත් බවත්, එවක සිටි මහජන ආරක්ෂක ලේකම් මේජර් ජෙනරාල් ජගත් අල්විස් විසින් එම තනතුර බාර නොගන්නා ලෙස දැනුම් දුන් බවත් සඳහන් කරමිනි.
ජ්‍යෙෂ්ඨ නියෝජ්‍ය පොලිස්පතිවරයා විසින් නිකුත් කර තිබූ ලිපිය පහත පළකෙරේ.
ශ්‍රී ලංකා ක්‍රිකට් ආයතනයේ උපදේශක තනතුරක් ලබාගත් බවට සමාජ මාධ්‍ය ඔස්සේ සංසරණය වන අසත්‍ය තොරතුරු පිලිබඳවයි.
ශ්‍රී ලංකා ක්‍රිකට් පාලක මණ්ඩලය විසින් 2021 අගෝස්තු 07 වනදා මා ක්‍රිකට් පාලක මණ්ඩලයේ උපදේශකවරයකු ලෙස 2021 අගෝස්තු 16 සිට 2023 අගෝස්තු 15 දක්වා ක්‍රියාත්මක වන පරිදි බඳවා ගත් බවට ලිපියක් මා වෙත ලැබී තිබිණි.
එවකට මහජන ආරක්ෂක ලේකම්වරයාව සිටි මේජර් ජෙනරාල් (විශ්‍රාමික ) ජගත් අල්විස් මහතා වෙත මා මෙම ලිපිය සම්බන්ධයෙන් දැනුවත් කරන ලදී. මෙහිදී මහජන ආරක්ෂක ලේකම් ජගත් අල්විස් මහතා විසින් මා හට එම තනතුර බාර නොගන්නා ලෙස දන්වා සිටින ලදී.
එම නිසා මා එම තනතුර බාර නොගත් අතර එම තනතුර බාර නොගන්නා බවට දන්වමින් 2021.11.05 දාතමින් ශ්‍රී ලංකා ක්‍රිකට් ආයතනයේ සභාපතිවරයාට ලිපියක්ද යොමු කර ඇත. (එම ලිපිය මේ සමග අමුණා ඇත).
සමාජ මාධ්‍ය වල යන ප්‍රචාරයන් සියල්ල අසත්‍ය බවත් මා කිසිම දිනක ශ්‍රීලංකා ක්‍රිකට් ආයතනයෙන් මූල්‍ය හෝ කිසිදු වරප්‍රසාදයක් ලබා නොගත් බවට සහතික කරමි.
දේශබන්ධු තෙන්න්කෝන්
බස්නාහිර පලාත් බාර ජේශ්ඨ නියෝජ්‍ය පොලිස්පති
@Lankanewsweb
