ඇතිවි තිබෙන වර්ෂා තත්ත්වය මත මාතර දිස්ත්‍රික්කයේ ප්‍රදේශ කිහිපයකට සැළකියුතු ගංවතුර තත්වයක් ඇති විය හැකි බව වාරිමාර්ග දෙපාර්තමේන්තුව කියා සිටී.
නිල්වලා හා ගිං ගඟේ පෝෂක ප්‍රදේශවලට වර්ෂාව ලැබීම හේතුවෙන් මෙම තත්ත්වය උදාවී තිබේ.
ඒ අනුව කොටපොල, පිටබැද්දර, පස්ගොඩ, අකුරැස්ස, අතුරලිය, මාලිම්බඩ, තිහගොඩ, මාතර සහ දෙවිනුවර ප්‍රාදේශීය ලේකම් කොට්ඨාස වල මෙම ගංවතුර අනතුර මතු වී තිබේ.
ගංගා වල අතුරු ඇල මාර්ග පිටාර ගැලීමෙන් ප්‍රදේශ රැසක අතුරු මාර්ග කිහිපයක් ඊයේ රාත්‍රියේ සිට ජලයෙන් යටවී ඇත.
පවතින අයහපත් කාලගුණ තත්වය හේතුවෙන් මාතර දිස්ත්‍රික්කයේ දෙනියාය කලාප අධ්‍යාපන කාර්යාල කොට්ඨාසයේ සියලු පාසල් අද (23) දිනයේ වසා තැබීමට තීරණය කර බව දකුණු පළාත් අධ්‍යාපන ලේකම් රංජිත් යාපා මහතා පැවසීය.
මාතර දිස්ත්‍රික්කයේ සෙසු කලාප වල පාසල් පැවැත්වීම සම්බන්ධයෙන් තීරණ ගැනීමේ බලය කලාප අධ්‍යාපන අධ්‍යක්ෂවරුන්ට ලබා දී තිබේ.
මේ අතර ගාල්ල සහ හම්බන්තොට දිස්ත්‍රික්ක වල පාසල් පැවැත්වීමට මෙතෙක් බාධාවක් නොමැති බව ලේකම්වරයා වැඩිදුරටත් පැවසීය.
@නාගොඩ සුමන උදයන්ත
Cnews
