SLBFE Ahu Wennaepa W 1400 H 80 Gif Animation 10sec

SLBFE Ahu Wennaepa W 1400 H 80 Gif Animation 10sec

රාජ්‍ය රූපවාහිනී නාලිකාවක ලිංගික අල්ලස් ඉල්ලීමේ සිදුවීමක් අරභයා සමාජ මාධ්‍ය තුළ කැළඹෙන සිදුවීමට අදාලව අදාළ වින්දිත පාර්ශ්වය වූ නිවේදිකාව තම මුහුණු පොතේ සටහනක් තබා ඇත.

මුහුණු පොතේ ක්‍රියාත්මක වන මැසෙන්ජර් ගෘප් එකක් හරහා සිදුවන කතාබහකට අනුව නම් එහි චූදිතයා වශයෙන් මේ වනවිට හෙළිදරව් වී ඇත්තේ එම රූපවාහිනී සේවයේ ප්‍රවෘත්ති අංශයේ ලොක්කාය.

පසුගිය යුගයේ වැඩ තහනමකට ලක්ව සිටියෙක් වන මෙම පුද්ගලයා හදිසියේම මෙම නිවේදිකාවගේ ෆේස්බුක් සටහනට ප්‍රතිචාර දැක්වීමට වෙනත් කාන්තා නමකින් පැයක් ඇතුලත සකස්කළ ගිණුමකින් නිවේදිකාවට එරෙහිව සාහසික ආකාරයකින් පිළිතුරු ලබාදී ඇති බවත් මෙම මැසෙන්ජර් ගෘප් කතාබහේදී හෙළිදරව් කරන ලදුව එකී ප්‍රවෘත්ති අංශයේ ලොක්කා එම ෆේක් ගිණුම ප්‍රතික්ෂේප කර කරුණු දක්වා ඇති අතර සංවාදය තුළ ඇතිවූ පැන යා නොහැකි තත්වය මත මෙය නාලිකාවේ ගෞරවය රැකගනිමින් විසඳාගත යුතු බවට අවසානයේ ඔහු එකග වී ඇත. (අප සතුව පවතින එම සටහන් ඔිනෑම අවස්ථාවක නිසි පරිදි හෙළිදරව් කළ හැක.)

 

කෙසේ වුවද ලංකාවේ වේවා, ලෝකයේ වෙනත් රටක හෝ වේවා තම වෘත්තිමය ජීවිතයේ උසස්වීම් ලබාගැනීම්  වෙනුවෙන් බොහෝ අවස්ථාවල බහුතරයක් ස්ත්‍රීන් මෙවැනි අවස්ථාවන් යොදා ගන්නා පසුබිමක ඒ අවස්ථාව මගහැර තම අභිමානය වෙනුවෙන් පියවරක් ගත්තේනම් එම නිවේදිකාව අප අගය කළ යුතු වන්නෙමු. ඒ නිසාවෙන් ලේඩි ලීඩර් අප ස්වාධීන රූපවාහිනී සේවයේ සභාපති, මානව හිමිකම් වෙනුවෙන් සටන් කිරීම් පිළිබඳව නම් දරා සිටින නීතීඥ සුදර්ශන ගුණවර්ධනයන්ගේ පියවර ගැන සාවධානව බලා සිටින්නෙමු. දැන් ඔබට, මේ ගැන අල බෝලයක දෙයක් නොදන්නා බව පැවසීමට ඉඩක් නැත. (එමෙන්ම මේ වනවිට එක්ස් ව්‍යාපෘතියේ නායක දීප්ති කුමාර ගුණරත්නයන්ට සෙනසුරාදා /ඉරිදා වැඩසටහනේදී මේ පිළිබඳවද අවංකව අදහස් ප්‍රකාශ කිරීමක් සිදුකරන්නටද අවස්ථාවක් තිබෙනු ඇත.)

 

නිවේදිකාව තැබූ ෆේස්බුක් සටහන පහලින්..

 

“මගේ ආසම රස්සාව මම අත් හැරියා... ආත්ම ගරුත්වය වෙනුවෙන්..

මේ කතාව මට කියන්න ඕන වුනේ 2023.03.15 වෙනිදා.

නමුත් ඇයි මම News කියන්නේ නැත්තේ,ඇයි පත්තරේ කරන්නේ නැත්තේ කියලා අදට ගොඩාක් අය අහන නිසා මේ කතාව මම අද කියනවා....

2008 අවුරුද්දේ ළමා ප්‍රවෘත්ති නිවේදිකාවක ලෙස මාධ්‍ය ජීවිතයට අත්පොත් තියපු මම 2023.03.15 ඒ මාධ්‍ය ජීවිතයට නැවතීමේ තිත තියන්නට හිතනවා. ඒ ලොකු කලකිරීමක් දුකක් එක්ක.

මම මගේ රැකියාවට වඩා ඉහලින්, මගේ ආත්ම ගරුත්වය ආරක්ෂා කරන්නට නිරන්තරයෙන් කටයුතු කරන කෙනෙක්. ගෑණියෙක් තනියම ජීවත් වුන පලියට ඒ ගෑණි වේස ගෑණියෙක් වෙන්නේ නෑ කවදාවත්ම. ඒක නොතේරෙන මහල්ලෝ සමහර මධ්‍ය ආයතනවල ලොකු පුටුවල ඉන්නවා බොරු හයියක් මවාගෙන.

මම ආයතනය ගණනාවක සේවය කරලා තියෙනවා.

නමුත් අවාසනාවකට මේ කියන ආයතනයේ හිටියේ ජීවිතේ ඇරියස් තියෙන මහල්ලෝ. ඒ වගේම ඉහලට යන්න නම් ඔයා මගේම වෙන්න ඕන කියන වනචරයෝ. මවාගත්ත පෞර්ශයක් තියෙන පුස්සෝ. කෙනෙක් කරදරේ වැටුනාම ඒකෙන් ප්‍රයෝජන අරන් පිහිටට බලෙන් එන බොස්ලා...

මම මේ ගැන සාක්ශි එක්ක audio video recording එක්ක බලධාරීන් දැනුවත් කළත් අදටත් ඒ ගැන කිසිම කෙනෙක් action අරගෙන නෑ..මේක මට විතරක් වුන දෙයක් නෙවෙයි කියලා මුලු ආයතනයම දන්නවා.

TV එකේ මූණ පෙන්නන්න ආසාවෙන් ආපු,ජීවිතේ ගොඩ යන්න හිතන් ආපු ගොඩාක් ගෑණු ලමයින්ට මේ කියන නාකි මහල්ලෝ මානසික වදයක් වෙන තැනකට එන්න ඇති. හැබැයි කවුරුත් හඩක් නගලා නෑ.කතා කරලා නෑ. මොකද රස්සාව ඕන. එහෙම නැතිනම් ඒ ගෑණු ලමයි මේ කියන මහල්ලන්ට බයයි.ඒ මහල්ලෝ Meeting වල ගෑණු වට කරන් double meaning කතා කියලා කොක් හඩලා හිනා වෙන එක විතරයි කරන්නේ. අසාධාරණය වුන ගෑණු වෙනුවෙන් කතා කරන්න එක ගෑනියෙක්ට වත් හයියක් නෑ. උන් ඔක්කොම යාලුවො කියලා තමයි කියන්න වෙන්නේ ..

කොහොම වුනත් මේ ගැන අදටත් කිසිම action එකක් නැති තැන මගේ මානසික සුවය උදෙසාත්, මගේ ආත්ම ගරුත්වය මට අංක 1 නිසාත් මම මගේ අවුරුදු 15 මාධ්‍ය ජීවිතය මේ විදිහට අවසන් කරන්නට හිතුවා.

මේක media වල විතරක් තියෙන දෙයක් නෙවෙයි , මේක මේ රටේ වුන පලවෙනි සිද්ධිය වත් අවසන් සිද්ධිය වත් නෙවෙයි . කවුරු තනතුරු වලට ආවත් මේ දේවල් වෙනස් කරන්න උත්සාහ ගනිවිද කියල තියෙන්නේ ලොකු සැකයක්.

ඒ නිසා කවදා හරි ඔයාගේ දුව, wife, නංගි,අක්කා මේ වගේ සෙවල නාකින්ට අහුවෙන්න දෙන්න එපා. මට වගේම තවත් ගෑණු ලමයින්ට දුන්න මානසික වදය ,බලපෑම තවත් කෙනෙක්ට හෙට දවසේ වෙන්න දෙන්න එපා කියලයි මම අයින් වෙලා එද්දීත් හිටපු බලධාරීන් ගෙන් කරපු එකම ඉල්ලීම.ඒ ඉල්ලීම ඉශ්ට වෙයි කියලා මම අදටත් විශ්වාස කරනවා..

"ඉෂාරා දේවේන්ද්‍ර" වෙනුවෙන් ආදරය කලාට..මෙතුවක් කල් මගේ ප්‍රවෘත්ති කියවීමේ කලාවට ආදරය කලාට ඔබට ස්තූතියි..

නවතම ලිපි