ගාසා නගරය මුළුමනින්ම අත්පත් කර ගැනීමේ ඊශ්‍රායල සැලැස්මේ පළමු අදියර පසුගිය සතියේ ආරම්භ කළා.
ඒ කුසගින්නෙන් දිනපතා මියයන නිරායුධ ජනතාවකට එරෙහිව ඊශ්‍රායල හමුදාව ගොඩබිම් ප්‍රහාර ආරම්භ කරමින්.
ඊශ්‍රායලය ගාසා තීරයේ තදාසන්න ප්‍රදේශවල පාලනය දැනටමත් අත්පත් කරගෙන අවසන්.
මේ මෙහෙයුම සඳහා අතිරේක හමුදා භටයින් 60,000 ක් පමණ කැඳවා තිබෙනවා ලු.
මේක අහිංසක සිවිල් වැසියන්ට එරෙහිව කුරිරු යුද්ධයක්.
ඊශ්‍රායලය සටන් විරාම ගිවිසුම පවා ප්‍රතික්ෂේප කරලයි මේක කරන්නෙ.
අමරිකානු ජනාධිපති ඩොනල්ඩ් ට්‍රම්ප් බොරුවට තරවටු කළත් මේ සටනේ යට මෙහෙයවන්නා අමෙරිකාව බව මුළු ලෝකයම දන්නවා.
මේ අතරෙ ම්ලේච්ඡ ඝාතන නිසා ලෝකයේ බොහෝ රටවල ජනමාධ්‍ය ඊශ්‍රායලයේ ක්‍රියාවන් හෙළා දකිමින් සිදුවන ම්ලේච්ඡ ක්‍රියා ලෝකයට හෙළිදරව් කරමින් ඉන්නවා. ඒ අතරෙ ලංකාවෙ ජනමාධ්‍යත් ඉන්නවා.
මේ හින්ඳම ඊශ්‍රායලය තමන්ට පක්ෂපාතී ආණ්ඩු ඇති රටවල් වල පවතින රජයන් හරහා මාධ්‍යවේදී කණ්ඩායම් ඊශ්‍රායලයට ගෙන්වා ගැනීමේ වැඩපිළිවෙලක් දියත් කරලාලු.
එවන් දේවල් ප්‍රතික්ෂේප කරන්නත් රටකට හරිහමන් කොඳුනාරටියක් සහ ප්‍රතිපත්ති තිබිය යුතුයි.
ඔන්න අද අපේ දේශපාලන ගොසිපයට ලැබුනෙ අමුතුම ආරංචියක්.
කොහොම උනත් ලංකාවේ තියෙන වර්තමාන ඊනියා වාමාශික සම්භවයක් සහිත ආණ්ඩුවත් ඔන්න මේ වැඩේට මාධ්‍යවේදියො 25ක් යවන්න නම් ගත්තලු.
සම්බන්ධීීකරණය ජනමාධ්‍ය අමාත්‍යාංශයෙන්ලු.
ඇත්ත බොරු කොහොම උනත් සමහර මාධ්‍ය ආයතනවලට සන්තෝසම් විදිහට මේ අවස්ථාව ලබාදීල කියලත් සමහරු නම් කියනවා.
පලස්තීනය රැකගැනීමේ ශ්‍රී ලංකා සංවිධානයේ බිමල් රත්නායක සහෝදරයා මේවා දන්නවාද කියලා නම් අපි දන්නෙ නැහැ.
ඒත් ඊශ්‍රායලයේ ප්‍රතිරූපය ගොඩනැගීමේ අරමුණින්, ශ්‍රී ලාංකික මාධ්‍යවේදීන් 25 දෙනෙකු එළැඹෙන සෙනසුරාදා රාත්‍රියේ ඊශ්‍රායලයේ ආරාධනයෙන් සහ ශ්‍රී ලංකා රජයේ කැමැත්ත ඇතිව ඊශ්‍රායලය බලා පිටත් වෙන්නට දැන් සූදානම් කරලයි තියෙන්නෙ.
ඉතිං කෙනෙකුට අහන්න හිතේවි ඇයි ඉතිං මාධ්‍යවේදීන් යන්න කැමති උනේ කියල?
ඒක හොඳ ප්‍රශ්නයක්.
හැබැයි ඒ ලංකාවෙ හරි හමන් මාධ්‍යකාරයො ඉන්නවනම් අහන්න ඔින ප්‍රශ්නයක්.
මොක උනත් මේ අය ගිහින් ඇවිත් ඊශ්‍රායලයේ ශ්‍රි විභූතිය, පලස්තීනය-ගාසා තිරයේ මනුෂ්‍ය ඝාතනයට සාධාරණ වෙන අලුත් සාහිත්‍යයක් නිර්මාණය කරාවි කියලත් හිතමුකො. ඒ ඊශ්‍රායලය පැත්තෙන්.
ඒවා වැඩි වැඩියෙන් ලියැවෙද්දි මේ ආණ්ඩුවට ඊශ්‍රායලයෙන් වහල් රැකියා අවස්ථා ටිකකුත් ලැබේවි. ඉටියෙන් හරි මැටියෙන් හරි ආර්ථිකය හයි කරගෙන බලයෙ ඉන්නයි මේ රටේ හැම දේශපාලන පක්ෂයකටම උවමනා වෙලා තියෙන්නෙ කියල කව්ද නොදන්නෙ? මේක ඒ තරම්ම රහයි නොවැ.
එක පැත්තකින් පලස්තීනය රාජ්‍යයක් ලෙස පිලිගන්නත් ගාසා තීරයේ ඝාතනය නවත්වන්නත් ලාංකිකයො එකතුවෙලා ගෙනියන උද්ඝෝෂනයට ආණ්ඩුව පාර්ශ්වයෙන් නියෝජ්‍ය කතානායකවරයත්, නජිත්, ලක්මාලීි මන්ත්‍රීවරුනුත් එකතු වෙනවා. අනෙක් පැත්තෙන් ඊශ්‍රායල රාජ්‍යය ෂේප් කරගන්න මේ වගේ වැඩ කරනවා, යුද්ධවලට සොල්ලාදුවො දෙනවා, කෘෂිකර්ම ව්‍යාපෘතිවලට සේවකයො යවනවා..
කෙනෙකුට කියන්න පුළුවන් මේක තමයි මාලිමාණ්ඩුවේ නොබැඳි විදේශ ප්‍රතිපත්තිය කියල..
මේක නොබැඳි නෙවෙයි උන්නැහේ මේක - - න ප්‍රතිපත්තියක් කියලයි සමහර කොල්ලො කෙල්ලො නම් කියමින් යන්නෙ.
මොක උනත් වැටත් නියරත් ගොයම් කයි නම් කාට කියමුද ඒ අවනඩුව...
පලස්තීනයේ අයිතිය වෙනුවෙන් පෙනී ඉන්න බිමල් සහෝදරයා?
#Political Gossip
