සෞඛ්‍ය හේතූන් මත සහ වෛද්‍ය උපදෙස් පිළිපැදීමේ අවශ්‍යතාවය සඳහන් කරමින්
ඉන්දීය උප ජනාධිපති ජග්දීප් ධන්කර් වහාම ක්‍රියාත්මක වන පරිදි නිල වශයෙන් සිය ධුරයෙන් ඉල්ලා අස්වී තිබේ.
ඉන්දීය ජනාධිපතිවරයා වෙත යොමු කරන ලද ඉල්ලා අස්වීම ඉන්දීය ආණ්ඩුක්‍රම ව්‍යවස්ථාවේ 67(අ) වගන්තිය යටතේ ඉදිරිපත් කර තිබුණි.
“සෞඛ්‍ය තත්වයන්ට ප්‍රමුඛත්වය දීම සහ වෛද්‍ය උපදෙස් පිළිපැදීම සඳහා, ආණ්ඩුක්‍රම ව්‍යවස්ථාවේ 67(අ) වගන්තියට අනුව වහාම ක්‍රියාත්මක වන පරිදි ඉන්දියාවේ උප ජනාධිපති ධුරයෙන් මම ඉල්ලා අස්වෙමි,”
යනුවෙන් ධන්කර් 2025 ජූලි 21 දිනැති ඔහුගේ ලිපියේ ලියා තිබේ.
ඉල්ලා අස්වීමේ ලිපියේ, ධන්කර් ඉන්දීය ජනාධිපතිවරයාට ඇයගේ "නොසැලෙන සහයෝගය සහ මගේ ධුර කාලය තුළ අප පවත්වා ගෙන ගිය සැනසිලිදායක අපූරු වැඩ කිරීමේ සම්බන්ධතාවය" සඳහා ඔහුගේ "හදපත්ලෙන්ම කෘතඥතාව" පළ කරයි.
ඔහු අගමැති නරේන්ද්‍ර මෝදි සහ මධ්‍යම අමාත්‍ය මණ්ඩලයට ද සිය කෘතඥතාව පළ කර තිබේ. "අග්‍රාමාත්‍යවරයාගේ සහයෝගීතාවය සහ සහයෝගය මිල කළ නොහැකි අතර, මගේ ධුර කාලය තුළ මම බොහෝ දේ ඉගෙන ගත්තා," යැයි ඔහු සඳහන් කරයි.
පාර්ලිමේන්තු මන්ත්‍රීවරුන්ගෙන් ලැබුණු උණුසුම, විශ්වාසය සහ සෙනෙහස "ආදරණීය" බවත් සහ "තම මතකයේ තැන්පත් කර ඇති" බවත් ධන්කාර් විස්තර කළේය.
"අපගේ ශ්‍රේෂ්ඨ ප්‍රජාතන්ත්‍රවාදයේ උප ජනාධිපතිවරයා ලෙස මා ලබා ඇති අමිල අත්දැකීම් සහ තීක්ෂ්ණ බුද්ධිය සඳහා මම බෙහෙවින් කෘතඥ වෙමි."
ඔහුගේ ධුර කාලය ගැන මෙනෙහි කරමින් ඔහු මෙසේ ලිවීය:
"මෙම වැදගත් කාල පරිච්ඡේදය තුළ ඉන්දියාවේ කැපී පෙනෙන ආර්ථික ප්‍රගතිය සහ පෙර නොවූ විරූ ඝාතීය සංවර්ධනය දැකීමට සහ එයට සහභාගී වීමට ලැබීම වරප්‍රසාදයක් සහ තෘප්තියක්. අපේ ජාතියේ ඉතිහාසයේ මෙම පරිවර්තනීය යුගයේ සේවය කිරීම සැබෑ ගෞරවයක්."
