දකුණු ආසියාවේ පළමු ඒකාබද්ධ නිවාඩු නිකේතනය වන ශ්‍රී ලංකාවේ සිහින නගරය,
2025 අගෝස්තු 2 වන දින උත්කර්ෂවත් ලෙස විවෘත කිරීම ආරාධනාවන් අනුව පමණක් සිදුවන බව නිවේදනය කර තිබේ.
නිල නිවේදනයක් නිකුත් කරමින් එහි සංවිධායක කමිටුව පවසන්නේ, නිවාඩු නිකේතනය දියත් කිරීමේ උත්සවය සඳහා අනවසර ටිකට්පත් බෙදා හැරීමක් සිදුව ඇති බවත් ඒ පිළිබඳව මහජනතාවට අනතුරු ඇඟවීමක් කරමින් සංවිධායක කමිටුව නිල නොවන මූලාශ්‍ර සමඟ කටයුතු කිරීමේදී ප්‍රවේශම් වන ලෙස ඉල්ලා සිටියේය.
"මෙම උත්සවය ආරාධනයෙන් පමණක් සිදුවන බවත්, ප්‍රවේශපත්‍ර නිකුත් කිරීමට, බෙදා හැරීමට හෝ විකිණීමට කිසිදු තෙවන පාර්ශවයකට අවසර නොමැති බවත් අපි පැහැදිලි කිරීමට කැමැත්තෙමු,"
යනුවෙන් එම නිවේදනයේ සඳහන් වේ.
කලින් සිනමන් ලයිෆ් ඉන්ටග්‍රේටඩ් රිසෝට් ලෙස හැඳින්වූ මෙම බිලියන ගණනක ඩොලර් සංවර්ධනය මෑතකදී ජෝන් කීල්ස් හෝල්ඩින්ග්ස් (JKH) සහ ගෝලීය කැසිනෝ ක්‍රියාකරු මෙල්කෝ රිසෝර්ට්ස් සහ එන්ටර්ටේන්මන්ට් ලිමිටඩ් අතර හවුල්කාරිත්වයකින් පසුව නැවත නම් කරන ලද අතර ඔවුන්විසින් සිහින නගරයේ කැසිනෝව කළමනාකරණය කරනු ඇත.
ශාරුක් ඛාන් අවසන් වරට ලංකාවට පැමිණියේ 2004 වර්ෂයේ දී ප්‍රසංගයක් සඳහා ය.
එම අවස්ථාවේදී ඔහු බෝම්බ ප්‍රහාරයකට ලක්විය.
