1979 විප්ලවයෙන් පසු ඉස්ලාමීය ජනරජයට එරෙහිව පසුගිය ඉරිදා එල්ලවූ විශාලතම
ඇමරිකානු මිලිටරි ක්‍රියාමාර්ගයෙන් පසු ඉරානයේ උත්තරීතර නායකයා සඳුදා මොස්කව් වෙත තම විදේශ අමාත්‍යවරයා ව ජනාධිපති ව්ලැඩිමීර් පුටින්ගෙන් හමුවට යවා ඇත.
එක්සත් ජනපද ජනාධිපති ඩොනල්ඩ් ට්‍රම්ප් සහ ඊශ්‍රායලය විසින් ඉරාන උත්තරීතර නායක අයතුල්ලා අලි කමේනි ඝාතනය කිරීම සහ පාලන තන්ත්‍ර වෙනසක් පිළිබඳව ප්‍රසිද්ධියේ අනුමාන කර ඇති අතර, එය මැද පෙරදිග අගාධයට ඇද දැමිය හැකි බවට රුසියාව බිය වන පියවරකි.
කෙසේ වුවද පුටින් ඊශ්‍රායල ප්‍රහාර හෙළා දැක ඇතත්, ඉරාන න්‍යෂ්ටික ස්ථානවලට එල්ල කරන ලද එක්සත් ජනපද ප්‍රහාර පිළිබඳව ඔහු තවමත් අදහස් දක්වා නැත, නමුත් ඔහු පසුගිය සතියේ සන්සුන් වන ලෙස ඉල්ලා සිටි අතර න්‍යෂ්ටික වැඩසටහන සම්බන්ධයෙන් මැදිහත්කරුවෙකු ලෙස මොස්කව්හි සේවාවන් ලබා දුන්නේය.
මේ අතර මොස්කව් වෙත ගිය ඉරාන විදේශ අමාත්‍ය අබ්බාස් අරක්චි කමේනිගෙන් ලිපියක් පුටින්ට භාර දීමට නියමිත බව රොයිටර් පුවත් සේවය පවසයි.
එසේම රුසියාවේ සහයෝගය ගැන ඉරානය මෙතෙක් පැහැදී නොමැති බව ඉරාන ආරංචි මාර්ග රොයිටර් පුවත් සේවයට පවසා ඇති අතර, ඊශ්‍රායලයට සහ එක්සත් ජනපදයට එරෙහිව පුටින්ට සහාය දැක්වීමට නම් තවත් බොහෝ දේ කිරීමට ඔවුන් කැමති බවත් බවසා තිබේ. කෙසේ වුවද ටෙහෙරානයට අවශ්‍ය උපකාරය කුමක්දැයි එකී මූලාශ්‍ර විස්තර කර නැත.
පුටින්ට අරක්චි හමුවෙනු ඇතැයි ක්‍රෙම්ලිනය පැවසූ නමුත් සාකච්ඡා කරනු ලබන්නේ කුමක්දැයි ඔහු පැවසුවේ නැත.
ඉරානය සහ රුසියාව මැද පෙරදිග වත්මන් උත්සන්න වීම සම්බන්ධයෙන් ඔවුන්ගේ ස්ථාවරයන් සම්බන්ධීකරණය කරමින් සිටින බව රාජ්‍ය TASS ප්‍රවෘත්ති ඒජන්සිය විසින් විදේශ ඇමති අරක්චි උපුටා දක්වමින් කියා සිටියේය.
එක්සත් ජනපදය සහ ඉරානය අතරට මැදිහත් වීමට පුටින් නැවත නැවතත් ඉදිරිපත් වී ඇති අතර, සිවිල් න්‍යෂ්ටික බලශක්තිය සඳහා ඉරානයට අඛණ්ඩව ප්‍රවේශය සහතික කරමින් ගැටුම විසඳීම පිළිබඳ මොස්කව්හි අදහස් ඔවුන්ට දැනුම් දුන් බව පැවසීය.
ඊශ්‍රායලය සහ එක්සත් ජනපදය කමේනි මරා දැමීමේ හැකියාව සාකච්ඡා කිරීම ක්‍රෙම්ලිනයේ ප්‍රධානියා පසුගිය සතියේ ප්‍රතික්ෂේප කළේය.
ඉරානයේ බුෂෙහර් න්‍යෂ්ටික බලාගාරයේ තවත් ප්‍රතික්‍රියාකාරක දෙකක් ඉදිකිරීමට සහාය වන රුසියානු විශේෂඥයින්ට ගුවන් ප්‍රහාරවලින් හානියක් සිදු නොවන බවට ඊශ්‍රායලය මොස්කව් වෙත සහතිකයක් ලබා දී ඇති බව පුටින් පැවසීය.
ටෙහෙරානයේ දිගුකාලීන සගයෙකු වන රුසියාව, එක්සත් ජාතීන්ගේ ආරක්ෂක කවුන්සිලයේ නිෂේධ බලය භාවිතා කරන සහ 2018 දී ට්‍රම්ප් ඔහුගේ පළමු ධුර කාලය තුළ අතහැර දැමූ පෙර න්‍යෂ්ටික ගිවිසුමකට අත්සන් කර ඇති රටක් ලෙස බටහිර රටවල් සමඟ ඉරානයේ න්‍යෂ්ටික සාකච්ඡාවලදී ප්‍රධාන භූමිකාවක් ඉටු කරයි.
නමුත් වසර හතරක් තිස්සේ යුක්රේනයේ ප්‍රධාන යුද්ධයක යෙදී සිටින පුටින්ගේ හමුදාව, ට්‍රම්ප් මොස්කව් සමඟ සබඳතා අලුත්වැඩියා කිරීමට උත්සාහ කරන අතරතුර ඉරානය සම්බන්ධයෙන් එක්සත් ජනපදය සමඟ ගැටුමකට කිමිදීමට ප්‍රසිද්ධියේ එතරම් කැමැත්තක් දක්වා නැතැයි ආරංචිමාර්ග පවසයි.
