ඇමරිකාව විසින් පනවා ඇති නව තීරු බදු හේතුවෙන් එරට වෙළඳපොල
තවදුරටත් ශ්රී ලංකාවට විවෘත නොවනු ඇතැයි සඳහන් කරමින්, ඒ අනුව පවතින තත්ත්වයට විසඳුමක් ලෙස ඉන්දියාව සමඟම ‘ETCA’ ගිවිසුම අත්සන් තැබීම කළ යුතු බව හිටපු ජනාධිපති රනිල් වික්‍රමසිංහ පවසයි.
ඉන්දීය මාධ්‍ය වෙත අදහස් පළ කරමින් හිටපු ජනාධිපති පවසන්නේ තමන් ජනාධිපති ධුරය දරද්දී අදහස වී තිබුණේ 2025 වසරේදී එම ගිවිසුම අත්සන් තැබීමට බවයි.
"එට්කා ගිවිසුම අත්සන් කළ යුතුයි. මගේ අදහස වී තිබුණේ 2025 වසරේ දී එය අත්සන් තැබිය යුතු බවයි. දැන් අපි එය සමඟ ඉදියට යා යුතු බවයි.
අපි එක්සත් ජනපදය සහ යුරෝපා සංගමය කෙරෙහි විශ්වාසය තබා හිටියා. නමුත් එක්සත් ජනපදයේ වෙළද ප්‍රතිපත්තිය කවරාකාරද කියා දැන් ඔබට පේනවා. තවදුරටත් එය වෙළද පොලක් ලෙස විවෘත නොවනු ඇති.
යුරෝපා සංගමය සමඟ තිබෙන ගනුදෙනුවට කුමක් වේදැයි අපට කියන්නට බැහැ.
ඉතින් පළමුව අපි මේ වසර තුළ එට්කා අත්සන් කළ යුතුයි.
දැනට අප සතුව ඇති දේ අත් නොහැර අළුත් කලාප වෙත අපි ප්‍රවේශ විය යුතුයි. එහිදී ඇගළුම් පමණක් ප්‍රමාණවත් වෙන්නෙ නැහැ. ඒ සදහා තවත් වෙනත් නිෂ්පාදන අවශ්‍යය"
ඉන්දු-ලංකා ගිවිසුම් අද හුවමාරු වේ
මේ අතර ඉන්දීය – ශ්රී ලංකා ඒකාබද්ධ මාධ්‍ය හමුව සහ ද්වීපාර්ශ්වික ගිවිසුම් අත්සන් කිරීම ජනාධිපති කාර්යාලයේදී අද පැවැත්වින.
බලශක්ති ආනයනය, අපනයනය, ආරක්ෂක සහයෝගීතා ගිවිසුම් ඇතුළු තවත් ගිවිසුම් කිහිපයක් එහිදී හුවමාරු කර ගන්නා ලදී.
දෙරටේ නායකයන්ගේ ප‍්‍රධානත්වයෙන් සාම්පූර් බලාගාරයේ ඉදිකිරීම් කටයුතු ආරම්භ කිරීම ද මෙහිදී සිදුවිය.
බලශක්ති ආනයන අපනයන
ඩිජිටල් පරිවර්තන
ආරක්ෂක සහයෝගීතා
නැගෙනහිර පළාතේ බහු ආංශික ප්‍රධාන සහයෝගීතා
ඖෂධ හා සෞඛ්‍ය
ඉන්දීය ඖෂධ සමාගම හා ජාතික ඖෂධ නියාම අධිකාරිය අතර ගිවිසුම ත්‍රිකුණාමල බල ශක්ති මධ්‍යස්ථාන ත්‍රෛපාර්ශ්වික ගිවිසුම
මෙහිදී අත්සන් කරන ලද ගිවිසුම් අතර වේ.
