ඉන්දීය අග්‍රාමාත්‍ය නරේන්ද්‍ර මෝදි පිළිගැනීම සඳහා අද(05) උදෑසන නිදහස් චතුරශ්‍රයේ දී
නිල පිළිගැනීමේ උත්සවයක් පැවැත්විණි.
ජනාධිපති අනුර කුමාර දිසානායක, අග්‍රාමාත්‍ය හරිනි අමරසූරිය සහ රජයේ අමාත්‍යවරුන් කිහිප දෙනෙකු උත්සවයට සහභාගී විය.
නිල පිළිගැනීමෙන් අනතුරුව අග්‍රාමාත්‍ය මෝදි ජනාධිපති කාර්යාලයට පැමිණියේය.
ජනාධිපති කාර්යාලය වෙත පැමණි ඉන්දියානු අග්‍රාමාත්‍යවරයා ජනාධිපති අනුර කුමාර දිසානායක විසින් ඉතා උණුසුම් අයුරින් පිළිගන්නා ලදී.
ශ්‍රී ලංකාව සහ ඉන්දියාව අතර “සියවස් මිතුදමක සෞභාග්‍යමත් අනාගතයකට බැඳීමක්” (Friendship Of Centuries Commitment to Prosperous Future) යන සංකල්පය තහවුරු කරමින් ශ්‍රී ලංකාවේ රාජ්‍ය සංචාරයක නිරත ඉන්දියානු අග්‍රාමාත්‍ය ශ්‍රී නරේන්ද්‍ර මෝදි හෙට (06) වැනිදා තෙක් මෙරටට රැඳී සිටී.
