ඉන්දීය අග්‍රාමාත්‍ය ශ්‍රී නරේන්ද්‍ර මෝදි මහතා රාජ්‍ය සංචාරයක් සඳහා ඊයේ (04)
රාත්‍රියේ කටුනායක බණ්ඩාරනායක ජාත්‍යන්තර ගුවන්තොටුපළෙන් ශ්‍රී ලංකාවට පැමිණියේය.
ඒ, තායිලන්තයේ බැංකොක් සිට ඉන්දීය රජයට අයත් "ඉන්දියා - 01" විශේෂ බෝයිං 777 ගුවන් යානයෙනි.
ඒ අතර ඉන්දීය විදේශ කටයුතු අමාත්‍ය ආචාර්ය එස්. ජයශංකර් ගේ පැමිණීම සිදු විය.
තායිලන්තයේ බැංකොක් නුවර පැවති බිම්ස්ටෙක් සමුළුවට සහභාගී වීමෙන් පසු ඔවුන් මෙම සංචාරය සඳහා ශ්‍රී ලංකාවට පැමිණියහ.
ඉන්දීය අග්‍රාමාත්‍යවරයා සහ දූත පිරිස පිළිගැනීම සිදු කළේ විදේශ අමාත්‍ය විජිත හේරත් විසිනි.
