නෙස්ලේ ලංකා කුරුනෑගල කර්මාන්ත ශාලාවේ රුපියල් බිලිනය 1.1ක
නව ජෛව ස්කන්ධ (biomass) බොයිලේරුව විවෘත කිරීම ඊයේ (27) කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති ගේ ප්‍රධානත්වයෙන් සිදුවිය.
එහිදී හඳුන්නෙත්ති අමාත්‍යවරයා කියා සිටියේ,
මෙවන් ආයෝජනයන් හරහා ශ්‍රී ලංකාවේ තිරසාර සංවර්ධනය වෙනුවන් සහය වන ආයෝජකයන් වෙනුවන් නව රජය හැකි සෑම අයුරකින්ම සහයෝගය ලබාදෙන බවත්, කර්මාන්ත සහ ව්‍යවසායකත්ව සංවර්ධන අමාත්‍යාංශය ඇතුළු සියලු ආයතන කර්මාන්ත පවුලක් වශයෙන් ඒ වෙනුවෙන් සියලු අයුරින් කැපවනු ඇති බවත් ය.
පරිසරය රැකගනිමින් කාබන් විමෝචනය අවම කරලීම අරමුණු කොටගෙන තම මෙහෙයුම් තිරසාර අයුරින් සිදුකිරීම කෙරෙහි අවධානය යොමු කර, නෙස්ලේ ලංකා ආයතනය රුපියල් බිලියන 1.1ක ආයෝජනයක් මෙම Biomass බොයිලේරු වියාපෘතිය හරහා මෙරට සිදුකර ඇත.
එසේම අද වන විට ක්‍රියාත්මක වාෂ්ප බෝයිල්රු තුලින් නිපදවන කාබන් විමෝචනය මෙම ව්‍යාපෘතිය තුලින් 90% දක්වා අඩු කිරීමට හැකියාව ලැබෙනු ඇතැයි නෙස්ලේ ලංකා සමාගම අපේක්ෂා කරනු ලබයි.
මෙම අවස්ථාව සදහා ස්විස්ටර්ලන්තයේ තානාපති ආචාර්ය සිරි වෝල්ට් මහත්මිය මධ්‍යම පරිසර අධිකාරියේ සභාපති මහාචාර්ය තිලක් හේවාවසම් සහ නෙස්ලේ ලංකා ආයතනයේ කළමනාකාර අධ්‍යක්ෂක Bernie Stefan ඇතුළු විශාල පිරිසක් සහභාගී වුහ.
