වී අලෙවි මණ්ඩලයටද ගොවීන් යම් වී ප්‍රමාණයක් අලෙවි කළ යුතු බව
කෘෂිකර්ම හා වාරිමාර්ග අමාත්‍ය කේ.ඩී. ලාල්කාන්ත පවසයි.
ආණ්ඩුව ගොවීන්ට පොහොර සහනාධාරය දෙනවා නම් වාරිමාර්ග දෙපාර්තමේන්තුව නොමිලේ ජලය ලබා දෙනවා නම් වී ඇටයක්වත් වී අලෙවි මණ්ඩලය වෙත ලබා නොදෙනවා යැයි ගොවීන්ට ප්‍රකාශ කළ නොහැකි බවද ඔහු කීවේය.
ගොවීන්ට සහන මිලට පොහොර ලබා දෙන්නේ සහ ජලය ලබා දෙන්නේ මහා පරිමාණ වී මෝල් හිමියන් නොවන බව ද අමාත්‍යවරයා සඳහන් කරයි.
අමාත්‍යවරයා මේ බව පැවසුවේ කෘෂිකර්ම අමාත්‍යාංශයේ පැවති මාධ්‍ය හමුවකදීය.
