රුසියාව පිළිකා එන්නත් නිර්මාණය කිරීමට ආසන්න බව විදෙස් මාධ්‍ය වාර්තා කරයි.
ලොව පුරා මාරාන්තික රෝග සඳහා ප්‍රතිකාරමය වෙනසක් ඇති කරනු ඇති බව මාස කිහිපයකට පෙර රුසියානු ජනාධිපති ව්ලැද්මීර් පුටින් ප්‍රකාශ කළේය.
රුසියාව පිළිකාවට එරෙහිව තමන්ගේම එන්නතක් නිපදවා ඇති අතර එය රෝගීන්ට නොමිලේ බෙදා හැරීමට සැලසුම් කර ඇති බව විදෙස් මාධ්‍ය තවදුරටත් වාර්තා කර තිබුණි.
රුසියානු ප්‍රවෘත්ති ඒජන්සියක් වන TASS හි වාර්තාවකට අනුව, mRNA එන්නත රටේ පර්යේෂණ මධ්‍යස්ථාන කිහිපයක් සමඟ සහයෝගයෙන් නිපදවන ලද අතර, 2025 දී මහජනතාවට මුදා හැරීමට නියමිතව ඇත.
එන්නත පිළිබඳව අදහස් දක්වමින්, වසංගත රෝග හා ක්ෂුද්‍රජීව විද්‍යාව පිළිබඳ Gamaleya ජාතික පර්යේෂණ මධ්‍යස්ථානයේ අධ්‍යක්ෂ ඇලෙක්සැන්ඩර් ජින්ට්ස්බර්ග් TASS වෙත පවසා ඇත්තේ එන්නතෙහි පූර්ව සායනික අත්හදා බැලීම්වලින් එය පිළිකා වර්ධනය මැඩපවත්වන බව ය.
පිළිකා වර්ධනය සහ ව්‍යාප්තිය වළක්වමින් පූර්ව සායනික අත්හදා බැලීම් වලදී යහපත් ප්‍රතිඵල පෙන්නුම් කර ඇතැයි පැවසෙන මෙම පුද්ගලාරෝපිත එන්නත විශේෂිත පිළිකා ප්‍රතිදේහජනක ඉලක්ක කර ගැනීම අරමුණු කර ගනිමින් ගැලපෙන ප්‍රතිකාර විකල්පයක් ඉදිරිපත් කරන බවද පවසයි.
