චීනය විසින් මෙරට සියලු පාසල් සිසුන් සඳහා නිල ඇඳුම් ලබාදීමේ උත්සවයේදී අග්‍රාමාත්‍ය
හරිනි අමරසූරිය විසින් කරන ලද ප්‍රකාශයක් හේතුවෙන් විශාල රාජතාන්ත‍්‍රික ගැටලුවක් ඇතිවී තිබෙන බව සන්ඩේ ටයිම්ස් වාර්තා කර ඇත.
මහජන චීන සමූහාණ්ඩුව විසින් ශ්රී ලංකා ප්‍රජාතන්ත්‍රික සමාජවාදී ජනරජයේ පාසල් සිසුන්ට නිල ඇඳුම් ලබාදීමට මෙම උත්සවය පැවැත්විණි.
එහිදී අගමැතිනි හරිනි අමරසූරිය මහජන චීන සමූහාණ්ඩුවේ (People’s Republic of China (PRC) ඓතිහාසික සතුරෙකු ලෙස සැලකෙන ‘චීන ජනරජයට’ ( ‘Republic of China’ ROC – තායිවානය) ස්තුති කළේය.
අදාළ උත්සවය සඳහා අග්‍රාමාත්‍යවරිය පැයක පමණ කාලයක් ප්‍රමාද වී පැමිණි අතර චීන තානාපතිවරයාද ආපසු ගොස් නැවත ඇය පැමිණීමත් සමග උත්සවයට පැමිණියේය
සන්ඩේ ටයිම්ස් එය වාර්තා කර තිබුණේ මෙසේය.
“එම උත්සවයට අගමැතිනිය නියමිත වේලාවේ නොපැමිණීමත්, චීන තානාපතිවරයා ඇය එනතුරු බලා සිටීමත් සමඟ මුළු දවසම වැරදි පදනමකින් ආරම්භ විය. මෙය ඉවසාගත නොහැකිව - තෑගි අශ්වයෙකු කටේ තබාගෙන, දූතයා නැවත සිය කාර්යාලයේ වායුසමනය කළ සුවපහසුව වෙත පලා ගියේය. උත්සවය සඳහා පැයකට පමණ පසු ඔහු ආපසු පැමිණි අතර අවසානයේ අගමැතිනිය පැමිණියාය. පසුව ඇය ඔවුන්ගේ සතුරාට මිල අධික තෑග්ග සඳහා ස්තූති කරන විට ඔහු තම අසුනේ තිගැස්සෙන්නට ඇත”.
මේ අතර පසුගිය සඳුදා ඉරාක තානාපති කාර්යාලයේ පැවති උත්සවයක් සඳහා කර්මාන්ත අමාත්‍ය සුනිල් හඳුන්නෙත්ති ට සහභාගී වීමට ආරාධනා කර තිබියදීත් ඔහු එහි පැමිණ සිටියේ නැති බවද එම වාර්තාව කියා සිටී.
අමාත්‍යවරයා නියෝජනය කරන්නෙකුද ඊට නොපැමිණි අතර නොපැමිණීම සම්බන්ධයෙන් දැනුවත් කිරීමක් ද නොකළ බවද සඳහන්ය.
ශ්රී ලංකාවේ ජාතික ධජය හා ඉරාකයේ ජාතික ධජය වේදිකාවේ තිබුණද ශ්රී ලංකා රජයේ කිසිදු නියෝජිතකු නොමැතිව එම උත්සවය පැවැත්වී ඇත.
කෙසේ වෙතත් කර තිබූ ආරාධනාව පිළිගනිමින් විපක්ෂ නායක සජිත් ප්‍රේමදාස එහි පැමිණ තිබීම මෙනිසා කැපී පෙනී ඇත.
තෙල්වලින් පොහොසත් ඉරාකය තවත් එක් රටක් නොවේ. එය ශ්රී ලංකාවේ අංක එකේ තේ ගැනුම්කරුවා වන අතර, මේ වසරේ මුල් මාස දහය තුළ ශ්රී ලංකාවේ තේ කිලෝග්‍රෑම් මිලියන 27.11 ක් අපනයනය කළ බව වාර්තා කර ඇත.
ඉරාකය එක්සත් ජාතීන්ගේ ආරම්භක සාමාජිකයෙකු වන අතර එක්සත් ජාතීන්ගේ පූර්වගාමියා වූ ජාතීන්ගේ සංගමයේ ද සාමාජිකයෙකි.
