යුරෝපා සංගමයේ රටක් වන ලැට්වියාව වසර දෙකකට වැඩි කාලයක්
ශ්‍රී ලංකාවට නොමිලේ පොහොර යැවීම අවහිර කළ බවට රුසියානු තානාපති ලෙවන් එස්.ධගාරියන් ඊයේ(12) චෝදනා කළේය.
පොටෑසියම් ක්ලෝරයිඩ් පොහොර මෙට්‍රික් ටොන් 55,000ක් රැගත් නෞකාව ඊයේ පෙරවරුවේ කොළඹ වරායට සේන්දු විය.
ලෝක ආහාර වැඩසටහන යටතේ රුසියාව විසින් ප්‍රදානය කරන ලද මෙම තොගය ශ්‍රී ලංකාවේ ගොවීන් වෙත බෙදා හැරීමට නියමිත අතර, වී ගොවීන්ට මෙට්‍රික් ටොන් 30,000 කට වැඩි ප්‍රමාණයක් ද ඉතිරිය පොල් වගාකරුවන්ට ද වෙන් කෙරේ.
රුසියාවට එරෙහි බටහිර සම්බාධක හේතුවෙන් 2022 වසරේ සිට රීගා වරායේ මෙට්‍රික් ටොන් 260,000ක නැව්ගත කිරීමක කොටසක් වන මෙම පොහොර තොගය රඳවාගෙන තිබූ බව එරට තානාපති Dzhagaryan ප්‍රකාශ කළේය.
“අපි මේ පොහොර නැව්ගත කරල වසර දෙකහමාරකට වැඩි කාලයක් පැමිණෙන තෙක් බලා සිටියෙමු, අවාසනාවකට, රුසියානු සමූහාණ්ඩුවට එරෙහිව පනවා ඇති නීති විරෝධී සම්බාධක නිසා, යුරෝපා සංගමයේ රටක් වන ලැට්වියාවේ එය අවහිර උනා. අවසානයේ, නැව කොළඹට පැමිණුනා," තානාපතිවරයා පැවසීය.
බෙදා හැරීම පහසු කිරීම සඳහා කටයුතු කළ ශ්‍රී ලංකා රජයට, එක්සත් ජාතීන්ගේ නියෝජිතායතනට සහ Uralchem සමූහයට ලබා දුන් සහයෝගයට ඔහු කෘතඥතාව පළ කළේය.
