කුමන තරාතිරමක කෙනෙක් වුවත් වරදක් කර ඇත්නම්
ඊට අදාළ ක්‍රියා මාර්ග ගන්නා බව ජනාධිපති අනුර කුමාර දිසානායක පවසයි.
අද (13) පෙරවරුවේ රජයේ මාධ්‍ය ප්‍රධානීන් සමග පැවැත්වූ හමුවකදී ඔහු මේ බව අවධාරණය කර ඇත.
“දශක 7ක් තිස්සේ රැවටීමට ලක් වූ ජනතාව අප කෙරෙහි තබා තිබෙන විශ්වාසය සුරක්ෂිත කිරීමට සහ මේ රට වඩා යහපත් රටක් කිරීමට තම රජය කොන්දේසි විරහිතව කැප වෙන බව” ජනාධිපතිවරයා එහිදී ප්‍රකාශ කර ඇත.
ඔහු පවසන්නේ ජනතාව තැබූ විශ්වාසය කුමන ආකාරයකින් හෝ පළුදු වීමට ඉඩ නොතබන බව යි.
ජනාධිපති මාධ්‍ය අංශය ඒ පිළිබඳව නිකුත් කළ නිවේදනය පහතින් දැක්වේ.
