සුරා බදු දෙපාර්තමේන්තුව විසින් පසුගිය වසර කිහිපය තුළ නිකුත් කරන ලද සිල්ලරට මත්පැන් විකිණීමේ බලපත්‍ර,
සංචාරක මණ්ඩලයේ අනුමත හෝටල් සහ ආපන ශාලා සම්බන්ධයෙන් ඇති වී තිබූ මතභේදාත්මක තත්ත්වය පිළිබඳව අවධානය යොමු කර, මුදල් අමාත්‍යවරයාගේ නියෝග මත සියලුම සිල්ල රට මත්පැන් විකිණීමේ නව බලපත්‍ර නිකුත් කිරීම අත්හිටුවීමට සුරා බදු දෙපාර්තමේන්තුව පියවර ගන්නා ලදී.
මේ පිළිබඳව නිවේදනයක් නිකුත් කරමින් හිටපු ජනාධිපති රනිල් වික්‍රමසිංහ පැවසුවේ බාර් බලපත්‍ර අහෝසි කර රජයේ ආදායම නැතිකරගන්නා ලෙසයි.
කෙසේ වුවද බලපත්‍ර අත්හිටුවීම සම්බන්ධව යළි සලකා බැලීමක් සිදුකෙරෙමින් පවතින අතර නව සුරා බදු බලපත්‍ර නිකුත් කිරීමේ යෝජනාවක් පිළිබඳව වාර්තා වේ.
ඒ අනුව සංචාරක කර්මාන්තයේ ප්‍රවර්ධනය සඳහා සංචාරක මණ්ඩලය විසින් අනුමත කරනු ලබන තරු පන්තියේ හෝටල් සහ ආපනශාලා සඳහා බලපත්‍ර නිකුත් කිරීම කෙරෙහි සුරාබදු දෙපාර්තමේන්තුවේ අවධානය යොමු වී ඇත.
ඒ අනුව මුදල් අමාත්‍යංශය සමඟ සාකච්ඡා කර, සංචාරක මණ්ඩලයේ අනුමැතිය සහ අදාල සුරා බදු නිවේදනයන්ට අනුකූලව සපුරාලිය යුතු අනෙකුත් සුදුසුකම් සහිත හෝටල් සහ ආපනශාලා සඳහා සුරාබදු දෙපාර්තමේන්තුවේ නිර්ණායක වලට අනුකූලව, මුදල් අමාත්‍යවරයාගේ අනුමැතිය මත නව මත්පැන් බලපත්‍ර නිකුත් කිරීමට ඉදිරියේදී පියවර ගන්නා බව සුරා බදු දෙපාර්තමේන්තුව දන්වා සිටී.
