ජාත්‍යන්තර ස්වෛරීත්ව බැඳුම්කර (ISB) දරන්නන් සමඟ ඇති ණය තිරසාර ගිවිසුම ක්‍රියාත්මක කිරීමට පෙර
රජය ඒ සඳහා පාර්ලිමේන්තු අනුමැතිය ලබා ගත යුතු බව සමගි ජන බලවේගයේ (SJB) පාර්ලිමේන්තු මන්ත්‍රී කබීර් හෂීම් අද(05) පාර්ලිමේන්තුවේදී පැවසීය.
අද පාර්ලිමේන්තුවේ පැවති නව රජයේ අතුරු සම්මත ගිණුම් ඡන්ද විමසීමේ විවාදයට එක්වෙමින් හෂීම් මන්ත්‍රීවරයා කියා සිටියේ ණය තිරසාර ගිවිසුම පිළිබඳ තොරතුරු මන්ත්‍රීවරුන් දැනගත යුතු බවයි.
“ඔබතුමා පසුගිය රජය ඇතිකරගත් එකඟතාවයෙන් ඉදිරියට යනවාද නැතිනම් අලුත් ගිවිසුමකට ගියාද යන්න අපි දැනගන්න කැමතියි,”
ඔහු පැවසීය.
බිලියන 3ක් ණය තිරසාරභාවය සඳහා වෙන් කර ඇති අතර ණය ප්‍රතිව්‍යුහගත කිරීමේ වැඩසටහනට සම්බන්ධ නීති උපදේශන ගාස්තු වශයෙන් තවත් රුපියල් බිලියන 3ක් වෙන් කර ඇත.
