2024 නව පාර්ලිමේන්තුවට මෙවර සමගි ජන සන්ධානයේ නවක අපේක්ෂිකාවක් වන්නේ කිරිකෝඩු කිරිඇල්ලය.
නැතහොත් චමින්ද්‍රානී බණ්ඩාර කිරිඇල්ලය.
දේශපාලනයේ දැකපු පරණ මූණු වෙනුවට අළුත් මූණක්!
සෙංකඩගල පුරවරයට කාන්තා නියෝජනයක්!
නීතිය, ආර්ථික, දේශපාලනය ගැන හදාරපු..
ප්‍රායෝගිකව ශිෂ්‍ය දේශපාලනයේ අත් පොත් තැබූ බුලට් එකක්!
චමින්ද්‍රානී බණ්ඩාර කිරිඇල්ල බ්‍රිතාන්‍යයේ බකිංහැම් විශ්ව විද්‍යාලයේ නීතිය පිළිබඳ උපාධියකට, ලන්ඩන් ආර්ථික විද්‍යා හා දේශපාලන විද්‍යා විශ්ව විද්‍යාලයෙන් අන්තර්ජාතික මූල්‍යකරණය හා නීතිය පිළිබඳ පශ්චාත් උපාධියකට හිමිකම් කියන්නියකි.
තම සරසවි ජීවිතය තුළ ශිෂ්‍ය සංගම් නායිකාවක් ලෙස කැපී පෙනෙන කාර්යභාරයක් ඉටු කර ඇති චමින්ද්‍රානී කිරිඇල්ල මාග්‍රට් ත්‍රැචර්, ටෝනි බ්ලෙයාර් වැනි ලෝක ප්‍රකට රාජ්‍ය තාන්ත්‍රිකයින් හිමිකරගත් මහා බ්‍රිතාන්‍යයේ ලින්කන්සින්හිදී බැරිස්ටර්වරියක් ලෙස දිව්රුම් දෙනු ලැබීය.
ඒ සියල්ල පසෙකලා සිය මව්රට පැමිණි චමින්ද්‍රානී ලංකාවේ නීතිපති දෙපාර්තමේන්තුවේ නීති නිළධාරිනියක් බවට පත්වූ අතර දිවයිනේ ප්‍රමුඛතම සමාගම් රැසක නීති අංශ ප්‍රධානී ලෙස තම වෘත්තීය ජීවිතය ප්‍රගුණ කර ඇත.
එක්සත් ජාතික පක්ෂයේ මෙන්ම අනතුරුව සමගි ජන බලවේගයේද දශක ගණනාවක් පුරා දේශපාලනයේ නිරත වූ ජ්‍යෙෂ්ටතම නායකයෙකු වූ ලක්ෂ්මන් කිරිඇල්ලගේ දියණිය ලෙස චමින්ද්‍රානී බණ්ඩාර කිරිඇල්ල මෙවර සෙංකඩගල ජනතාවගේ සමගි ජන සන්දාන අපේක්ෂිකාව ලෙස මැතිවරණයට ඉදිරිපත්ව ඇත.
කිරිකෝඩු කිරිඇල්ල ලංකාවේ දේශපාලනයේ සුවිශේෂී සටහනක් තබනු ඇතැයි ඇයගේ පාක්ෂිකයින්ගේ අදහස වී ඇත.
