පසුගිය රජයේ දී නිකුත් කළ ගිනි අවි නැවත රජයට බාරදීමට කළ දැනුම්දීමට අනුව මේ වනතෙක්
කිසිදු හිටපු මන්ත්‍රීවරයෙකු, ඇමතිවරයෙකු හෝ වෙනත් නිළධාරියෙකු අදාළ ගිනි අවි ලබාදී නොමැති බව ආරක්ෂක අමාත්‍යාංශය පවසයි.
පුද්ගලයන් 1500ක් සඳහා ආණ්ඩුවෙන් ගිනි අවි 1690ක් ලබා දී ඇත.
ආරක්ෂක අමාත්‍යංශ විසින් මෙම සියලු දෙනාට ගිනි අවි වහාම රජයට භාර දෙන ලෙස දැනුම්දී දැන් දින කිහිපයක් ගතව ඇතත් අද වනතුරු කිසිවෙකු එම ගිනි අවි නැවත බාරදීමක් සිදු කර නැති බව ආරක්ෂක අමාත්‍යාංශයේ ආරංචිමාර්ග සඳහන් කරයි.
මේ අතර පසුගිය රජය විසින් ගිනි අවි ලබාදුන් පුද්ගලයන් අතර හිටපු ජනාධිපති පුත් යෝෂිත රාජපක්ෂ ද වෙයි.
ඒ අනුව ඔහු වෙත නිකුත් කර ඇති ගිනි අවි ප‍්‍රමාණය 07 ක් බව සඳහන්.
යෝෂිත රාජපක්‍ෂට ලබා දී ඇති ගිනි අවි තොරතුරු මෙසේය.
1. PT0195 9mm
2. LPY 904 9mm
3. RXR468 9mm
4. 55451 9mm
5. VX 679 9mm
6. A 11966 pofsmg pk
7. AHGS 683 9 mmGlock 48
