ගෙවී ගිය රාත්‍රියේ ඉරානයේ සිට ඊශ්‍රායලය දෙසට මිසයිල දියත් කළ බව
ඊශ්‍රායල හමුදාව නිවේදනයක් නිකුත් කරමින් පැවසීය.
ඊශ්‍රායලය පුරා සයිරන් නාද වී ඇති බව එහි වැඩිදුරටත් සඳහන් වේ.
ඊශ්‍රායලයට මිසයිල ප්‍රහාරයක් ආරම්භ කළ බව බව ඉරානය තහවුරු කරයි.
ටෙහෙරානයේ හමුදාව ඊශ්‍රායලය දෙසට බැලස්ටික් මිසයිල දියත් කිරීමට පටන් ගෙන ඇති බව ඉරානයේ රාජ්‍ය ප්‍රවෘත්ති ඒජන්සිය (IRNA) ද අනතුරුව තහවුරු කෙරිනි.
ඊශ්‍රායල පොලිසිය පවසන පරිදි මිසයිල ප්‍රහාරයට පෙර අඟහරුවාදා ඊශ්‍රායලයේ වාණිජ අගනුවර වන ටෙල් අවිව්හි ජැෆා මායිමේ තුවක්කුකරුවන් විසින් වෙඩි තැබීමක් සිදුකර ඇති බවය. ඉන් ජීවිත හානි ගණනාවක් සිදු ව ඇත.
එකී තුවක්කුකරුවන් සාමාන්‍ය දුම්රිය ස්ථානයකින් බැස වෙඩි තබන ආකාරය රූපවාහිනී දර්ශනවල ප්‍රදර්ශනය වී තිබූ අතර අවම වශයෙන් පුද්ගලයින් සිව් දෙනෙකු බරපතල තුවාල ලබා ඇති බව ඊශ්‍රායල මාධ්‍ය වාර්තා කළේය.
ඊශ්‍රායලයේ MDA ගිලන්රථ සේවය පැවසුවේ වෙඩි ප්‍රහාරවලින් තුවාල ලැබූ පුද්ගලයන් පිළිබඳ වාර්තාවක් රාත්‍රී 7.01ට (GMT 1601) ලැබුණු බවයි.
වෛද්‍යවරුන් සහ පරිපූරක වෛද්‍යවරුන් විවිධ තුවාල ඇති තුවාල ලැබූ පුද්ගලයන් ගණනාවකට අදාළ ස්ථානයේ දීම වෛද්‍ය ප්‍රතිකාර ලබා දී ඇති අතර සමහර තුවාලකරුවන් සිහිසුන්ව සිටි බව MDA ගිලන් රථ සේවය පැවසීය.
