දත්ත ගබඩා කිරීමේ චිප් එකක් මිනිස් මොළයට සාර්ථකව බද්ධ කිරිමෙන් පසුව එහි ක්‍රියාකාරීත්වය ගැන එලෝන් මස්ක් පැහැදිලි කර තිබේ.
ඒ අනුව සිතුවිලි මගින් එම චිප් එක හරහා පරිගණකයේ මවුස් එකක් පාලනය කිරීමට හැකිවූ බවත් එලෝන් මස්ක් සඳහන් කරයි
විදෙස් මාධ්‍ය පවසන්නේ මෙම පර්යේෂණයේ ප්‍රගතිය පිළිබඳව එලෝන් මස්ක් තමන් සෑහීමකට පත්වන බවයි.
මිනිස් අත්හදා බැලීම් බඳවා ගැනීම් සඳහා අනුමැතිය ලැබීමෙන් පසු නියුරලින්ක් සමාගම පසුගිය මාසයේදී එහි පළමු පුද්ගලයාට පරිගණක චිප් එකක් සාර්ථකව බද්ධ කර තිබුණි.
කෙසේ වෙතත් මෙම මෙහෙයුමේ ප්‍රතිඵලය ගැන කිසිවක් සඳහන් කර නොමැති අතර, එබැවින් මෙම බද්ධ කිරීම කෙතරම් විද්‍යාත්මක දියුණුවක් නියෝජනය කරන්නේද යන්න තවමත් පැහැදිලි වී නැත.
නමුත් විදෙස් මාධ්‍ය සඳහන් කරන්නේ, අංශභාග රෝගය ඇති වූ පුද්ගලයින්ට සිතීමෙන් පරිගණකයේ යතුරු පුවරුව සහ මවුසය පාලනය කිරීමට අවස්ථාව ලබා දීමට මෙය භාවිතා කළ හැකි බවයි.
@Chathurika Jayasundara
