තමාට දැනගන්නට ලැබී ඇති පරිදි සියලුම භාණ්ඩ සඳහා වැට් බදු පනවනු ඇති බව අධ්‍යාපන අමාත්‍ය සුසිල් ප්‍රේමජයන්ත මහතා පවසයි.
අද (05) දින පාර්ලිමේන්තුවේ දී අමාත්‍යවරයා මේ බව අනාවරණය කර සිටියේය.
පාසැල් පොත්පත් සඳහා වැට් බදු පනවන්නේ දැයි යනුවෙන් පාර්ලිමේන්තු මන්ත්‍රී ඩලස් අලහප්පෙරුම මහතා කළ විමසීමකට ප්‍රතිචාර දක්වමින් අමාත්‍යවරයා මේ බව පැවසීය.
පා.ම. ඩලස් අලහප්පපෙරුම -
අපිට දැනගන්න තියෙන විදියට වැට්, පළවෙනි වතාවට පාසැල් දරුවන්ගේ පොත්පත් සඳහා ආදේශ කරන්නට යන බව දැනගන්නට තියෙනවා. ඒක ඇත්තක් ද?
අමාත්‍ය සුසිල් ප්‍රේමජයන්ත් -
වැට් සම්බන්ධයෙන්, මුදල් අමාත්‍යාංශයෙන් තමයි ඒක යොදලා තියෙන්නේ. මෙතෙක් වැට් නොයෙදපු ඒවාටත් වැට් යෙදෙන බව තමයි තියෙන්නේ. දැන් ඉරිදා තියෙනවා විවාදය. එතනදී සැක හැර දැනගන්න පුළුවන්. නමුත් මට දැනගන්න තියෙන හැටියට, වැට් බද්ද සියලුම භාණ්ඩවලට දාන්න වෙනවා. ඒ අය කියන හැටියට. නමුත් මම ඉල්ලීමක් කළා, විශේෂයෙන් අභ්‍යාස පොත් සහ පාසල් උපකරණ, ඒවායේ වැට් බද්ද ඉවත් කිරීම සඳහා අවශ්‍ය පියවර ගන්නැයි කියලා.
ඉදිරි 2024 වසර සඳහා අය වැය ඉදිරිපත් කිරීමේදී වැය සඳහන් කරත් ඊට ගැලපෙන ලෙස ආධායම ඉදිරිපත් කිරීමට අපොහොසත් වූ වික්‍රමසිංහ රජය අයවැය හිගය පියවාගැනීමට සැලසෙන්නේ සියළු භාණ්ඩවලට වැට් බද්ද දැමීම හරහා විය යුතුයැයි මේ පිළිබඳ අවදානය යොමු කරන්නන්ගේ අදහස වී ඇත.
කෙසේ වුවද ඉදිරි වසර මැතිවරණ වසරක් වීම නිසා මෙය විශාල අභියෝගාත්මක විය හැක.
තම පරිභෝජන අවශ්‍යතාව වෙනුවෙන් අරගල කළ අරගලකරුවන් විසින් මීළඟට ගන්නා පියවර කුමක් වේද?
