පන්සල මුල් කරගෙන ජාතිවාදී කෝලාහල ඇති වන්නට ඉඩ තිබෙන බවට ඉන්දීය බුද්ධි අංශ වාර්තා උපුටාදක්වමින් ද අයිලන්ඩ් පුවත්පත වාර්තා කර ඇත.
ද අයිලන්ඩ් පුවත්පතේ මාධ්‍යවේදී නෝමන් පලිහවඩන ගේ වාර්තාවකට අනුව කියැවෙන්නේ,
මුලතිව් කුරුන්දිමලේ විහාරස්ථානය මුල් කර ගනිමින් නොසන්සුන්තා ඇති කිරීමට සහ නොසන්සුන්තා ඇති කිරීමට සම්බන්ධ සියලු පාර්ශ්වයන් සහ පුද්ගලයන්ට අදාළ තොරතුරු රැස්කර සකස් කරන ලෙස ප්‍රාදේශීය බුද්ධි අංශ ඔවුන්ගේ ක්‍රියාකාරීන්ට නියෝග නිකුත් කර තිබෙන බවය.
දේවමාළිගාව සම්බන්ධයෙන් ඇති වන ආරවුල් සහ මතභේද හේතුවෙන් ඇති විය හැකි ආසන්න වාර්ගික කෝලාහල පිළිබඳ අනතුරු ඇඟවීමේ ඉන්දීය බුද්ධි අංශ වාර්තා කාන්දු වීම සම්බන්ධයෙන් ඔවුන් ප්‍රතිචාර දක්වා ඇත.
ආර්ථික අර්බූධයන් හමුවේ යටගොස් තිබූ වර්ගවාදී, ජාතිවාදී රැල්ල මැතිවරණ දේශපාලනය හිස ඔසවද්දීම යළිදු ක්‍රියාත්මක වීම මේ වනවිට බොහෝ ලාංකිකයන් තේරුම් ගෙන ඇති වුවත් දේශපාලනඥයින්ගේ විවිධ බලපෑම් හමුවේ නැවත වරක් එය සාර්ථක වීමට ඉඩ ඇති බවයි විචාරකයින් පවසන්නේ.
ද අයිලන්ඩ් පුවත්පතේ ඉන්දීය බුද්ධි අංශ වාර්තා සම්බන්ධයෙන් වූ මාධ්‍ය වාර්තාව පහත පරිදි වේ.
කුරුන්දිමලේ විහාරස්ථාන භූමියේ අයිතිය ඉල්ලා බෞද්ධයන් සහ හින්දු භක්තිකයන් උසිගන්වන දේශපාලන පක්ෂ සහ ක්‍රියාකාරීන් නිරීක්ෂණය කිරීම සඳහා මෙම නියෝග නිකුත් කර ඇති බව ප්‍රාදේශීය බුද්ධි අංශ ජ්‍යෙෂ්ඨ නිලධාරීන් සඳහන් කළේය.
2019 ජනාධිපතිවරණයට පෙර ශ්‍රී ලංකාවේ සිදු වූ ඒවා පහසුවෙන් අභිබවා යා හැකි ජාතිවාදී කෝලාහල සහ එවැනි කැළඹීම් ඇති කිරීමේ දැඩි හැකියාවක් පවතින බවට ඇතැම් ඉන්දීය පුවත්පත් බුද්ධි අංශ අනතුරු ඇඟවීම් පළ කර ඇති බව බුද්ධි අංශ ආරංචි මාර්ග පවසයි.
බෞද්ධ භික්ෂූන් වහන්සේලා සහ බැතිමතුන් පසුගිය සිකුරාදා සිට කුරුන්දිමලේ විහාරස්ථාන පරිශ්‍රයට පැමිණ ආගමික වතාවත් පැවැත්වීමට පටන් ගෙන ඇති බව මුලතිව් ප්‍රදේශයෙන් වාර්තා වේ.
බෞද්ධයන් සහ හින්දු භක්තිකයන් අතර උණුසුම් තත්ත්වයක් පවතින බැවින් ආගමික බැතිමතුන් අතර ගැටුම් ඇතිවීම වැලැක්වීම සඳහා විශාල පොලිස් භට පිරිසක් ප්‍රදේශයේ යොදවා තිබේ.
දකුණේ සිට වැඩම කළ බෞද්ධ භික්ෂූන් වහන්සේලා විශාල බැතිමතුන් පිරිසක් සමඟ එක්ව කුරුන්දිමලේ විහාරස්ථානයේ ආගමික උත්සවයක් පැවැත්වූ අතර, ඒ හේතුවෙන් යාබද හින්දු කෝවිලේ පොංගල් උත්සවය පැවැත්වීම දුෂ්කර විය.
