ඇන්ජලීනා ජොලී තාරකාව මිනිසුන්ගෙන් ඉල්ලා සිටින්නේ අප අතහැර දමා ඇති නොසැලකිල්ලට ලක්කර ඇති ජෛවගෝලයේ ආරක්ෂාව වෙනුවෙන් මහා මෙහෙවරක යෙදෙන ඒ කෘමියා ආරක්ෂා කරන ලෙසය.
ඇය ඒ වෙනුවෙන් යුනෙස්කෝව හා එකතුව මී මැස්සන් රැකබලා ගැනීමට හා ඒ වෙනුවෙන් කාන්තාවන් පුහුණු කිරීමක යෙදී සිටී.
එක්සත් ජාතීන්ගේ ආහාර හා කෘෂිකර්ම සංවිධානයට අනුව, මිනිස් පරිභෝජනය සඳහා ප්‍රමුඛ පෙළේ ආහාර භෝග හතරෙන් දෙකක්ද ලොව පුරා කෘෂිකාර්මික ඉඩම්වලින් තුනෙන් එකකට වඩා වැඩි ප්‍රමාණයක් ද මීමැසි පරාග කාරකයන් මත රඳා පවතී.
එය පලතුරු, ඇට වර්ග සහ එළවළු පමණක් නොවේ; ගවයින් විසින් පරිභෝජනය කරන තණකොලද ඇඳුම් හා .ඖෂධ සඳහා භාවිතා කරන බොහෝ භෝගද මී මැස්සන් පරාගණය කරයි. ඇමරිකානු මීමැසි පාලක සම්මේලනයට අනුව, මී පැණි වලින් පමණක් එක්සත් ජනපදය ඩොලර් බිලියන 20 ක් එකතුකරයි. පරාග වාහකයන් ලොව පුරා ආහාර නිෂ්පාදනය සඳහා ඩොලර් බිලියන 200 කට වඩා සහාය දක්වයි.
පරපෝෂිතයන්, පළිබෝධනාශක, වාසස්ථාන අහිමි වීම සහ දේශගුණික විපර්යාසයන්ගෙන් තර්ජනයට ලක්ව ඇති අපගේ ආහාර සැපයුමේ අත්‍යවශ්‍ය කුළුණක් ලෙස මී මැස්සන් සහ මෙම අත්‍යවශ්‍ය පරාග වාහකයන් ආරක්ෂා කිරීම සඳහා පුහුණු කරනු ලබන ගෝලීය කාන්තා ජාලයක ඇන්ජලීනා ජොලී විවිධ දර්ශන සදහා පෙනී සිටියි.
ඇන්ජලිනා ජොලී නැමති රංගවේදිනිය, අධ්‍යක්ෂිකාව, මානවහිතවාදිනිය සහ එක්සත් ජාතීන්ගේ සරණාගතයින් පිළිබඳ මහ කොමසාරිස් (යූඑන්එච්සීආර්) හි විශේෂ නියෝජිතවරියක් වන ඇය මෙසේ කියයි.
“මෙය අපට කළමනාකරණය කළ හැකි එක් ගැටලුවකි.දේශගුණික විපර්යාස නිසා හෝ සම්පත් අඩුවීම පිළිබඳ සටනකින් අවුලුවන ලද යුද්ධ නිසා අවදානම් සහිත පුද්ගලයින් බොහෝ දෙනෙක් අවතැන් වී සිටිති. ඔබේ පරිසරය විනාශ වී තිබීම, ඔබේ ජීවනෝපාය ඔබෙන් උදුරා ගැනීම, මිනිසුන් සංක්‍රමණය වීමට හෝ අවතැන්වීමට හෝ සටන් කිරීමට බොහෝ හේතු වලින් එකකි. මේ සියල්ල අන්තර් සම්බන්ධිතයි.ඒ අතරම මේ පරාග වාහකයන් අපගේ ජීවිතයට හා පරිසරයට අතිශයින්ම වැදගත් ය. ඒ නිසා අපට ඒවා අහිමි වුවහොත් කුමක් සිදුවේද යන්න විද්‍යාත්මකව තේරුම් ගත යුතුය. මෙය අපට විසඳීමට වැඩ කළ හැකි දෙයකි”
යුනෙස්කෝ සහ ප්‍රංශ රූපලාවණ්‍ය නිවහන වන ගුවර්ලේන් විසින් දියත් කරන ලද පස් අවුරුදු වැඩසටහනක් වන මෙය ජොලී මෑතකදී කාන්තාවන් සඳහා මී මැස්සන් සඳහා “දේව මෑණියන්” ලෙස නම් කරන ලදී.
ලොව පුරා යුනෙස්කෝව විසින් නම් කරන ලද ජෛවගෝල සංචිත 25 ක කාන්තා මීමැසි පාලක-ව්‍යවසායකයින් 50 දෙනෙකු පුහුණු කිරීම සහ සහාය දීම සඳහා ඇය ඩොලර් මිලියන 2 ක දායකත්වයක් ලබා දී ඇති බව ගුවර්ලේන් පවසයි.
ගුවර්ලේන් පවසන පරිදි 2025 වන විට කාන්තාවන් රජ මී මැස්සියන් 2500 ක් ආරක්ෂා කර ගැනීමට අපේක්ෂා කරයි. බල්ගේරියාව, කාම්බෝජය, චීනය, ඉතියෝපියාව, ප්‍රංශය, රුසියාව, රුවන්ඩාව සහ ස්ලොවේනියාව යන රටවල කාන්තාවන්ට මේ වසරේ පුහුණුව ලබා දෙන අතර පේරු, ඉන්දුනීසියාව සහ තවත් අය 2022 දී එක්වනු ඇත.
උපාලි ජයසිංහ
