අධ්යාපන ක්ෂේත්රයේ දැවැන්ත පෙරළියක් අපේක්ෂාවෙන් හඳුන්වා දුන් නව ප්රතිසංස්කරණ ක්රියාවලිය
මේ වන විට දැඩි අර්බුදයකට ලක්ව තිබේ. මුලින් කළ යුතුව තිබූ "මහජන උපදේශන" සහ "විද්වත් කතිකාවන්" සියල්ල අවසානයේදී කිරීමට සිදුවීම තුළින් පෙනී යන්නේ බලධාරීන් ඇඳේ වැරදි පැත්තෙන් නැගිට ඇති බවයි.
කෙසේ වුවද ලංකාවේ අධ්යාපනයේ ප්රශ්නය කුමක්ද යන්න නිසිලෙස වඑටහා නොගෙන පිළිතුරු සෙවීම පසුගිය කාලය මුළුල්ලේම විවිධ අධ්යාපන අමාත්යවරුන් යටතේ සිදුවූවකි.
වර්තමානයේ සිදුවන්නේත් එයමය. අධ්යාපන ඇමති අගමැතිනී හරිනි අමරසූරිය සිදුකරන්නේද එයමය. ඔවුන් මෙය හුදෙක් “දරුවාට දැනුම ලබාදීම” නැමැති ප්රශ්නයකට ලඝු කරමින් ඊට පිළිතුරක් ලෙස ප්රතිසංස්කරණ ඉදිරිපත් කරති.
ප්රමාද වී පැමිණි ප්රඥාව: සංකල්ප පත්රිකාව මහජනතාවට
අධ්යාපන අමාත්යාංශයේ ලේකම් නාලක කළුවැව සඳහන් කරන්නේ, අධ්යාපන ප්රතිසංස්කරණ පිළිබඳ සංකල්ප පත්රිකාව මේ වන විට අමාත්යාංශ වෙබ් අඩවියේ පළ කර ඇති බවයි. ඉදිරි දිනවලදී මේ සම්බන්ධයෙන් මහජන කතිකාවතක් ඇති කිරීමටත්, එහිදී ලැබෙන යෝජනා මත අවශ්ය සංශෝධන සිදු කිරීමටත් රජය සූදානම්ය.
කෙසේ වෙතත්, ප්රශ්නය වන්නේ මේ සියල්ල සිදුවිය යුතුව තිබුණේ ප්රතිසංස්කරණ ක්රියාත්මක කිරීමට පෙර නොවේද යන්නයි?
6 වසරේ 'වැරදුණු' පාඩම
ප්රතිසංස්කරණ ක්රියාවලිය දැඩි විවේචනයට ලක්වීමට බලපෑ ආසන්නතම හේතු කිහිපයකි:
- අශ්ලීල වෙබ් සබැඳි (Links): 6 වසර ඉංග්රීසි මොඩියුලයට නුසුදුසු වෙබ් අඩවි සබැඳි ඇතුළත් වීම.
- ගුරු-විදුහල්පති සහභාගීත්වය නොමැතිකම: ක්ෂේත්රයේ සැබෑ ක්රියාකාරීන් වන ගුරුවරුන්ගෙන් හෝ විදුහල්පතිවරුන්ගෙන් නිසි උපදෙස් ලබා නොගැනීම.
- වසරක ප්රමාදය: ඇති වූ අවුල් සහගත තත්ත්වය නිසා 6 වසරේ ප්රතිසංස්කරණ 2027 දක්වා කල් දැමීමට රජයට සිදු විය.
ගුරු සංගම්වල දැඩි විරෝධය
ලංකා ගුරු සංගමය පෙන්වා දෙන්නේ මෙය ජාතික අධ්යාපන ආයතනයේ (NIE) නිලධාරීන් කිහිප දෙනෙකුට පමණක් වගකීම පවරා නිහඬ විය හැකි තත්ත්වයක් නොවන බවයි.
"මෙම ප්රතිසංස්කරණ ක්රියාවලිය අසාර්ථක බව 6 වසරේ වැඩපිළිවෙළ වසරකින් කල් දැමීමෙන්ම ඔප්පු වෙනවා. මේ සම්බන්ධයෙන් විමර්ශනය කිරීමට ජනාධිපති පරීක්ෂණ කොමිසමක් වැනි ස්වාධීන ආයතනයක් පත් කළ යුතුයි." - ලංකා ගුරු සංගමය
ඕනෑම ජාතික ප්රතිපත්තියක් සැකසීමේදී "පහළ සිට ඉහළට" (Bottom-up approach) අදහස් ලබා ගැනීම සිදුවිය යුත්තකි. නමුත් අපේ රටේ අධ්යාපන බලධාරීන් සිදු කළේ තීරණ ගෙන, ඒවා අසාර්ථක වූ පසු ජනතාවගෙන් අදහස් විමසීමයි.
අනාගත පරපුරේ අධ්යාපනය අත්හදා බැලීම්වලට ලක් කරන "රසායනාගාරයක්" නොවිය යුතුය. දැන්වත් මෙම ප්රසිද්ධ කතිකාවත හුදු ප්රදර්ශනාත්මක වැඩක් නොවී, සැබෑ ගුණාත්මක වෙනසකට මග පෑදිය යුතුය.
රැකියාවක ස්වභාවය මත මිනිසුන් මැනීම නතර වන දවසට, ලංකාවේ අධ්යාපන අර්බුදය විසඳීම ආරම්භ වනු ඇත.
හරිනි අමරසූරිය ප්රමුඛ රජය අවධානය යොමු කළ යුත්තේ පන්ති කාමරය තුළ කෙරෙන වෙනස්කම්වලට වඩා, පන්ති කාමරයෙන් එළියට එන දරුවාට ලැබෙන සමාජ සහ ආර්ථික වටිනාකම ඉහළ නැංවීමටයි. “රටට හෙටක් ජාතික ව්යාපාරය” පවසන පරිදි රැකියාවක ස්වභාවය මත මිනිසුන් මැනීම නතර වන දවසට, “ලංකාවේ අධ්යාපන අර්බුදය විසඳීම ආරම්භ වනු ඇත”.
