වන්නිනායකගේ රංගනය දැක්වෙන තවත් විඩියෝවක් එලියට පැමිණ තිබේ.
සිද්ධියේදී පොලිස් නිලධාරියා වන්නිනායකගේ ගෝලයාට පහරදී නැති බවත්, දෙදෙනා බහින් බස් වීමක් සිදුව ඇති බවත් කියවේ.
මේ වන විට වන්නිනායක වෙනුවෙන් ඔවුනගේ පෙරකදෝරු සගයින් මහත් උනන්දුවෙන් ප්‍රකාශ නිකුත් කරමින් සිටී.
IGP ප්‍රියන්ත තමාගේ "ජුනියර් බැච් එකේ" බව පවසමින් එදින, එම මොහොතේම පොලිස් නිලධාරියාගේ වැඩ තහනම් කිරීම සඳහා ඔහුට දුරකථන ඇමතුම් ලබා ගැනීමට තරම් වන්නිනායක මුග්ධක්ද?
එසේ කිරීම තුල ඔහු අමාරුවේ නොවැටෙන ආණ්ඩුවක් රාජ්‍ය බලය හොබවන්නේ නැති බව ඔහුට අමතක වන තරමට ඔහුට තරහ නගින්නේ ඇයි?
එම රංගනය හේතුවෙන් IGP තුමා වන්නිනායකගේ කෙතරම් මචං කෙනෙකු වුවද ඔහුට විරුද්ධ වීමට එයම හේතුවක් වන බව නොවැටහීමට තරම් එවැනි "දක්ෂ" පෙරකදෝරුවෙකු මුග්ධ වන්නේ ඇයි?
එම ප්‍රශ්න වලට පිළිතුරු සඳහා පහත සටහන කියවන්න.
ධනවාදය තුල මිනිසුන්ගේ දේපල වලට අදාල නීතිමය තත්වයන්ට සහ මිනිසුන් එකිනෙකා පරයා නැගී සිටීමේදී, එකිනෙකාට එරෙහි අරගලයක පසුවීමේදී ඇති වන ගැටුම් වලදී නීතිඥ පිහිට අවශ්‍ය වේ. එනම්, ආරවුල් "නීත්‍යානුකූලව විසඳීම" මත ගොඩනගා ඇති පද්ධතියක සැරිසැරීම සඳහා නීතිඥයින් අත්‍යවශ්‍ය වේ. නීතිඥයින් අපගේ සමාජ පැවැත්ම කළමනාකරණය කරයි. එනම්, සමාජයේ අපගේ ස්ථානය, අන් අය සමඟ අපගේ සබඳතා, අපගේ දේපළ සහ අපගේ අයිතිවාසිකම්ය. නීතිඥයින් යනු නීතියේ "මහා අනෙකාගේ" (big Other) මූර්තිමත් නියෝජිතයන්ය.
මිනිසුන්ට තම ශරීරය පිළිබඳව ප්‍රශ්න වලදී ("පැවැත්ම") වෛද්‍යවරයා අවශ්‍ය වේ. වෛද්‍යවරු අපගේ භෞතික පැවැත්ම කළමනාකරණය කරති. එනම්, අපගේ සෞඛ්‍යය, අපගේ ශරීර සහ අපගේ ජීව විද්‍යාත්මක ජීවිතයයි. වෛද්‍යවරු යනු විද්‍යාවේ/වෛද්‍ය විද්‍යාවේ "මහා අනෙකාගේ" (big Other) මූර්තිමත් නියෝජිතයන්ය.
නීතිඥයා සහ වෛද්‍යවරයා යන දෙදෙනාම නූතනත්වයේ නිර්මාණයන්ය. දෙදෙනාගේම වටිනාකම තීරණය වී ඇත්තේ පොදුවේ මිනිස් "පැවැත්ම"ට අදාලවය. ඔවුන් දෙදෙනාම පවසනුයේ අපට ගරු කරනු! අපට වැඳ වැටෙනු. නැති නම් තොපිට "පැවැත්මක්" නොමැත යනුවෙනි. ඔවුන් එකමුතු වන්නේ ද එම ස්ථාවරනි.
සංකීර්ණ ලෝකයක, අපට බොහෝ විට මෙම පැවැත්මේ වසම් තනිවම කළමනාකරණය කිරීමට නොහැකි වේ. මෙම යැපීම මෙම වෘත්තීන්හි බලය සහ වටිනාකම නිර්මාණය කරයි.
"අපට ගරු කරන්න! අපට හිස නමන්න" යැයි ඔවුන් පවසන විට ඔවුන් ඉල්ලා සිටිනුයේ ඔවුන්ගේ සංකේතීය වරම හඳුනා ගැනීමට කරන ඉල්ලීමයි. ඔවුන් ඉල්ලා සිටින්නේ ඔවුන්ගේ පෞද්ගලිකත්වයට නොව, ඔවුන් දරන සංකේතාත්මක තනතුරට ගරු කිරීමයි. විද්‍යාත්මක සුදු කබාය සහ නීතිමය සිවුර මෙම වරමේ ඇඳුම් වේ.
සමාජ ලෝකයට (සංකේත රටාවට) ඇතුළු වීමට නම්, අපි අපගේ අව්‍යවහිත, "අමු සත්තාව" වෙතින් යම් යම් ආකාර වලින් කණ්ඩනය වීමට සිදු වේ. අපි සම්පූර්ණ, ස්වයංපෝෂිත අස්ථිත්වයන් නොවේ. අපගේ අනන්‍යතාවය සංකේත රටාව විසින් අපට ලබා දෙනු ලැබේ.
නීතිඥයෙකු යනු ඔබගේ සංකේතීය පැවැත්මට මැදිහත් වන කෙනෙකු බවට පත්ව ඇත. ඔවුන්ගේ මැදිහත්වීමකින් තොරව, අපගේ හිමිකම් පෑම, ඔබගේ දේපළ අයිතිවාසිකම් හෝ ඔබේ නිර්දෝෂීභාවය වැනි තත්වයන්ට 'මහා අනෙකාගේ' ඇස් හමුවේ කිසිදු සුජාතභාවයක් හිමි නොවේ (සිද්ධියේ පොලිස් නිලධාරියා වෙනුවෙන් කිසිඳු නීතිඥයෙකු පෙනී නොසිටින්නේ එබැවිනි). එනම්, ඔබ සංකේතීය වශයෙන්, පුද්ගලයෙක් නොවන පුද්ගලයෙකි. තවදුරටත් පවසන්නේ නම්, "නීතිඥයෙකු නොමැති පුද්ගලයෙකු" බොහෝ විට නීතිමය ස්ථාවරයක් නොමැති පුද්ගලයෙකි.
"වෛද්‍යවරයෙකු සමාජය විසින් හඳුනාගෙන ඇති පරිදි ඔබේ භෞතික පැවැත්මට මැදිහත් වේ. රෝග විනිශ්චයක් නොමැති වේදනාවක් බොහෝ විට "සැබෑ නොවේ" යන ලෙස බැහැර කරනු ලැබේ. අසනීප නිවාඩු, රක්ෂණ ආවරණයක් හෝ ඔබේ දුක් වේදනා පිළිබඳ සමාජ පිළිගැනීමක් ලබා ගැනීමට, ඔබට වෛද්‍යවරයාගේ අත්සන අවශ්‍ය වේ. එනම්, ඔබේ ශාරීරික අත්දැකීම් මත මහා අනෙකාගේ මුද්‍රාව අවශ්‍ය වේ. එය නොමැතිව, ඔබේ රෝගය සංකේතීයව "පවතින්නේ නැත".
මේ අනුව, ඔවුන්ගේ අවසාන නිවේදනය සැබෑවක් වී ඇත. ඔවුන්ගේ අනුමැතිය නොමැතිව, සංකේත රටාව තුළ ඔබේ පැවැත්ම අවලංගු වේ. ඔබව "යථමය" (the REAL) කාන්තාරයට, එනම්, අමු, මැදිහත් නොවන වේදනාව සහ සමාජීය විස්මෘතිය යන පාළුකරයට හෙළනු ලැබේ. ඊයේ වන්නියාක විසින් ගුගුරමින් පැවසූ "සත්‍ය" එයයි.
නීතිඥයාගේ සහ වෛද්‍යවරයාගේ බලය ඔවුන්ගේ පෞද්ගලික දීප්තිය හෝ අභ්‍යන්තර ප්‍රඥාව තුළ රැඳී නොමැත. ඔවුන්ගේ අධිකාරිය පැමිණෙන්නේ ව්‍යුහය තුළ ඔවුන් දරන ස්ථානයෙනි.
අදාළ පොලිස් නිලධාරියා වෙනුවෙන් කිසිඳු නීතිඥයෙකු පෙනී සිට නොමැත. අදාළ අධිකරණයේ නීතිඥ සංගමයේ පොදු එකඟතාවයට අනුව එය එසේ සිදුවෙයි.
@මාධව රුවන්පතිරණ
වන්නිනායක රැකගැනීම සඳහා නීතිඥයින් සමාජ මාධ්‍ය වල ලිපි පලකරනු පෙනේ. මේ වනවිට රනිල් දේශපාලනයෙන් සමුගෙන සජිත් UNPයේ නායකත්වයට පත්වීමට නියමිතය. වන්නිනායක යනු සජිත්ගේ ප්‍රධාන උපදේශකකි.
පහතින් දක්වා ඇත්තේ ෆ්‍රොයිඩ්ගේ විහිළුවක් සහ එහි විස්තීර්නයකි.
අවිඥානය පිළිබඳව පැහැදලි කිරීමට අදාළව ෆ්‍රොයිඩ්ගේ විහිළුවක් තිබේ. එනම්, "වෛද්‍යවරයෙක් විසින් තම රෝගියාට පවසා සිටිනුයේ, 'අපෙන් කෙනෙක් මෝඩයෙක්!' යනුවෙනි. නමුත් කාරණය නම් වෛද්‍යවරයා පෞද්ගලිකව අපොහොසත් වුවත්, "වෛද්‍යවරයාගේ" කාර්යය තවමත් අධිකාරිය දරයි. අපි පුද්ගලයාට නොව නිල ඇඳුමට, පටබැඳි නාමයට (title) සංකේතීය කාර්යයට කීකරු වන්නෙමු. අපි අර්චනික ප්‍රතික්ෂේප කිරීමක් පවත්වා ගනිමු. එනම්, "මේ නීතිඥයා කෑදර මෝඩයෙක් බව මම හොඳින් දනිමි, නමුත් මම ඔහු නියෝජනය කරන නීතිය විශ්වාස කරමි!"
