ඩොනල්ඩ් ට්‍රම්ප් නොවැම්බර් 6 වැනි දින එක්සත් ජනපද ජනාධිපතිවරණ ජයග්‍රහණයට හිමිකම් කීවේ
ජයග්‍රහණය කිරීමට අවශ්‍ය Electoral College ආසන 270 සීමාව පසු කිරීමට ටික වේලාවකට පෙරදීමය.
“ඔබේ 47 වැනි ජනාධිපතිවරයා සහ ඔබේ 45 වැනි ජනාධිපතිවරයා ලෙස තේරී පත් වීමේ අසාමාන්‍ය ගෞරවය ගැන ඇමරිකානු ජනතාවට ස්තූති කිරීමට මට අවශ්‍යයි,”
ට්‍රම්ප් ෆ්ලොරිඩාවේ වෙස්ට් පාම් බීච් හි ප්‍රීති ඝෝෂා නගමින් සිටි ජනතාව අමතමින් පැවසීය.
"අපේ දරුවන්ට ලැබිය යුතු ශක්තිමත්, ආරක්ෂිත සහ සමෘද්ධිමත් ඇමරිකාවක් ලබා දෙන තුරු මම විවේක නොගනිමි”
රිපබ්ලිකන් අපේක්ෂකයා “ඇමරිකාවේ ස්වර්ණමය යුගයක්" පොරොන්දු වෙමින් පැවසීය.
ට්‍රම්ප් සිය කතාවේදී යුක්රේනයට එරෙහි රුසියාවේ යුද්ධය ගැන සඳහනක් නොකළ නමුත් ඔහුගේ පළමු ජනාධිපති ධූර කාලය තුළ එක්සත් ජනපදය "යුද්ධයක් නොදුටු" බව පැවසීය.
"අපිට යුද්ධ තිබුණේ නැහැ, අපි ISIS පරාජය කළා හැර අවුරුදු හතරක් තිස්සේ අපට යුද්ධ තිබුණේ නැහැ. " ට්‍රම්ප් කීවේය.
“මම යුද්ධයක් ආරම්භ කිරීමට යන්නේ නැහැ, මම යුද්ධ නවත්වනවා."
"මම හිතන්නේ අපි ඇමරිකානු ඉතිහාසයේ දැවැන්තම දේශපාලනයේ නැවත පැමිණීම දැන් දුටුවා" යැයි ට්‍රම්ප්ගේ සහකරු JD වැන්ස් රිපබ්ලිකන් ඡන්දදායකයින් පිරිසට පැවසීය.
සැප්තැම්බර් 10 වැනි දින ඩිමොක්‍රටික් පක්ෂයේ අපේක්ෂකයා වන එක්සත් ජනපද උප ජනාධිපති කමලා හැරිස් සමඟ ඔහුගේ එකම විවාදයේදී ට්‍රම්ප්, තමාට යුක්රේන ජයග්‍රහණයක් අවශ්‍ය බව පැවසීම ප්‍රතික්ෂේප කළේය.
“මෙම යුද්ධය අවසන් කර සාකච්ඡා කිරීම එක්සත් ජනපදයේ වඩාත් හොඳම අවශ්‍යතාවය යැයි මම හිතනවා,” ට්‍රම්ප් පැවසීය.
"පැය 24ක්" තුළ යුද්ධය අවසන් කිරීමටත් එක්සත් ජනපදය යුක්රේනයෙන් "පිටතට" ගැනීමට වන ට්‍රම්ප්ගේ සැලැස්ම මගින් යුක්රේන භූමි ප්‍රදේශය පවරා දීමෙන් සහ නැගෙනහිරින් ස්වයං පාලන ප්‍රදේශ නිර්මාණය කිරීමෙන් රුසියාවට ප්‍රතිලාභ ලැබෙනු ඇතැයි පසුගිය ඔක්තෝබර් මාසයේදී මාධ්‍ය වාර්තා කළේය.
මැකේන් ආයතනයේ විධායක අධ්‍යක්ෂ එව්ලින් ෆර්කාස් විසින් කියෙව් (Kyiv) සමඟ සම්මුඛ සාකච්ඡාවකට එක්වෙමින් පැවසුවේ ට්‍රම්ප්ගේ අදහස වන්නේ පුටින්ට උදව් කිරීම වෙනුවෙන් ඔහුට හැකි සෑම දෙයක්ම කිරීමට ඔහුට අවශ්‍ය බවයි. මන්ද ඔහු මෙම ස්වාධීන ශක්තිමත් මිනිසුන්ට කැමති කුමන හේතුවක් නිසාද නොදත් නමුත් ඔහු විශේෂයෙන් ඔවුන් කෙරෙහි ආකර්ෂණය වී ඇති බවත්ය.
"එබැවින්, යුක්රේනයට සහය දැක්වීමේ පවතින ප්‍රතිපත්තිය සහ රුසියාවේ අත්තනෝමතික න්‍යාය පත්‍රයට විරුද්ධත්වයක් ඉදිරියටත් පවත්වා ගැනීමට නම් ඔහු යටතේ සිටින මිනිසුන්ගේ සියලු කැමැත්ත සහ බලපෑම් අවශ්‍ය වේවි."
කෙසේ වුවද ට්‍රම්ප් යුක්රේනයට ලබාදෙන එක්සත් ජනපද ආධාර කප්පාදු කළහොත් ඇමරිකානු ආර්ථිකයට පහරක් එල්ල වනු ඇත.
ට්‍රම්ප්ට ආකැන්සාස්, ඇලබාමා සහ ෆ්ලොරිඩා වැනි උදව් කළ ප්‍රාන්තවලට බිලියන ගණනක් යවා ඇති අතර, යුක්රේනයට ඇමරිකාවේ සහයෝගය හේතුවෙන් එක්සත් ජනපද ආරක්ෂක කාර්මික පදනමට ඩොලර් බිලියන 50 කට වැඩි ආයෝජනයක් ලැබී තිබේ.
"ට්‍රම්ප් සහ වැන්ස් යුක්රේනයට ආධාර ලබා ගැනීම දුෂ්කර කර ඇත" යනුවෙන් හවුස් විදේශ කටයුතු කමිටුවේ ඉහළම ඩිමොක්‍රටික් නියෝජිත ග්‍රෙගරි මීක්ස් කියෙව් (Kyiv) ඉන්ඩිපෙන්ඩන්ට් වෙත ප්‍රකාශයක් නිකුත් කරමින් කියා සිටියේය.
"ඔවුන්ගේ ප්‍රවේශය වෙනස් වනු ඇතැයි අපට කිසිදු ඇඟවීමක් කර නැහැ, නමුත් ඩිමොක්‍රටික් පාලිත කොංග්‍රසයකට එම සහයෝගය සඳහා තල්ලු කිරීම සඳහා වැඩ කළ හැකියි."
"එක්සත් ජනපදයෙන් යුක්රේනය සඳහා ශක්තිමත් ද්විපාර්ශ්වික සහයෝගයක්" බලාපොරොත්තු වන බව ප්‍රකාශ කරමින්, එක්සත් ජනපද ජනාධිපතිවරනයේදී ට්‍රම්ප්ගේ ජයග්‍රහණය පිළිබඳව ජනාධිපති Volodymyr Zelensky සුබ පතා තිබුනි.
