2024 ජනාධිපතිවරණයේ අනෙක් ප්‍රධාන අපේක්ෂකයින් තිදෙනා වූ රනිල් වික්‍රමසිංහ, සජිත් ප්‍රේමදාස සහ අනුර කුමාර දිසානායක
බරපතල, ගැටළුකාරී අතීතයක් සමග පැමිණෙන නමුත් එවැනි චෝදනා නොමැති එකම අපේක්ෂකයා තමන් බව ශ්‍රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂ පවසයි.
ඔහු මේ බව කියා ඇත්තේ තම අපේක්ෂකත්වය ප්‍රකාශයට පත් කිරීමෙන් පසු ඩේලි මිරර් සමඟ කළ මංගල සම්මුඛ සාකච්ඡාවේදී ය.
නාමල් ද කියා ඇත්තේ රට තුළ ඇති වූ දැඩි අර්බුදයක් හේතුවෙන් තම බාප්පා වන ගෝඨාභය රාජපක්ෂ ඉතා මෑතකදී ධූරයෙන් ඉවත් වුවත්, ඒ සඳහා සිදුවූ දෙයට සමානවම තමාට එරෙහිවත් සැලසුම් සහගත කුමන්ත්‍රණයක් ඇති බවට තමා විශ්වාස කරන බවයි.
එහෙත් ඔහු යම් වරදක් කර ඇත්නම්, ඔහු ජනාධිපති ධුරයට තරඟ කරන්නේ නැති බව එම සාකච්ඡාවේදී නාමල් පවසයි.
“අපි කිසිම වරදක් කරලා නැති නිසා මම බය නැහැ. අපි වරදක් කරලා තියෙනවා නම් මම තරග කරන්නේ නැහැ. මම හරි මගේ තාත්තා හරි වැරදිකාරයෙක් නම් අපි මැතිවරණයකදී ජනතාවට මුහුණ දෙන්නේ නැහැ.”
සැප්තැම්බර් 21 වැනිදා ජනාධිපතිවරණයට තරග කිරීමට අපේක්ෂකත්වය ප්‍රකාශ කිරීමෙන් පසු සිය මංගල සම්මුඛ සාකච්ඡාවේදී නාමල් කියා සිටියි.
නාමල් රාජපක්ෂ අයිති නව පරම්පරාව, ජාතිය නගා සිටුවීම සඳහා නවීන හා නැවුම් චින්තනයක් ඉදිරිපත් කරයි.
“මගේ චින්තනය නවීනයි. අපි නවීන ශ්‍රී ලංකාවකට යන්න නම් නවීන චින්තනයක් තිබිය යුතුයි. මගේ අවධානය යොමු වන්නේ යටිතල පහසුකම් සහ ග්‍රාමීය ආර්ථිකය දියුණු කිරීම, ශ්‍රී ලංකාව සේවා සහ සංචාරක ව්‍යාපාරය සඳහා ගෝලීය කේන්ද්‍රස්ථානයක් බවට පත් කිරීමයි. මම එය දෙස බලන්නේ ඉතා ධනාත්මක ප්‍රවේශයකින්. මම කියන්න යන්නෙ නෑ හොරු ඔක්කොම අල්ලලා ආර්ථිකය ගෙනියන්න සල්ලි හොයාගන්නවා කියලා. බඩු මිල වැඩි කරලා පරිභෝජනය අඩු කළා කියලා පෝලිම් පාලනය කරන්න පුළුවන් කියලා මම කියන්න යන්නේ නැහැ. මම කියන්නේ පරිපාලන ව්‍යුහයේ ප්‍රගතිශීලී වෙනස්කම්, ඩිජිටල්කරණයට ගෙන එන බවයි”
නාමල් පවසයි.
