පුරවපන් මීවිත අපි එකට යමු
ඉතින් දූෂිතයිනි
නුඹට තිබුණාට රත්තරන් පොරවක්
ලිව්වාට නීති පිටු සහසක්
වැරදුණා කියා හිතෙන්නේම නැතිද
අපි බැඳුණේ එකම රැහැණින්
මිදෙන්නට බැරි ලෙසම
මියෙන දවසක එකටම
මියෙන බව උඹට අමතකම වුණා වෙද
ඉතින් දූෂිතයෙනි
කහවනු නටන්නෙත්
සොසේජස් බැදෙන්නෙත්
මීවිත පිරෙන්නෙත්
අපේ හුස්ම ඇතුලෙනි
නුඹේ පපුවේ ගැස්ම
ණයට දුන්නෙත් මමය
රත්තරන් පොරොවෙ මිට වුණත් මගෙනි
බලාපන් ආකාහෙ ඉර නටන අන්දම්
වතුර බිංදුවක් නැති ඉඩෝරය කැන්දන්
උදලු තලයට මිටක් දෙන්නම්
කපාපන් වල යටට මියෙන්නට පෙර
පුරවපන් මීවිත අපි එකට යමු
සෝමලතා හේරත් මැණිකේ
